ఎన్నికలకు ముందు రేపల్లెలో ఈపూరు గణేష్ అభ్యర్థిత్వాన్ని మోపిదేవి వ్యతిరేకించారు. ఈపూరి గణేష్ ఎవరో కాదు... టీడీపీ నుంచి గ‌తంలో మాజీ మంత్రి గా ప‌నిచేసిన ఈపూరి సీతారావ‌మ్మ కు కుమారుడు. ఈ రెండు కుటుంబాల మధ్య రాజ‌కీయ వైరం అప్పట్లో తీవ్రంగా ఉండేది. ఇక గణేష్ కు సీటు వద్దు.. తన కుటుంబానికే ఇవ్వాలని మోపిదేవి పలుమార్లు జగన్ ను కలిసి వేడుకున్నారు. ఈ విషయం మాట్లాడటానికి మరోసారి తన వద్దకు రావద్దని జగన్ చెప్పడంతో మోపిదేవి ఇదే విషయాన్ని తన అనుచరుల వద్ద చెప్పి బాధపడ్డారట. ఇదంతా ఒక ఎత్తు అయితే జిల్లా వైసీపీ పగ్గాలు ఆయన చేతుల్లో పెట్టి సీట్లు ఖరారు విషయంలో కనీసం ఆయన అభిప్రాయాలు అస్సలు తీసుకోలేదట.
దీనికి తోడు తన సొంత నియోజకవర్గంలో తనకు ఇష్టం లేని వ్యక్తికి ఎమ్మెల్యే సీటు ఇవ్వడంతో అప్పటి నుంచి మోపిదేవి మనస్థాపానికి గురయ్యారు. ఎన్నికల తర్వాత వైసిపిని టిడిపిలో చేరేందుకు సరైన టైమ్ కోసం ఎదురుచూస్తున్నారు. అందుకే రాజ్యసభ పదవిని కూడా వదులుకునేందుకు ఆయన సిద్ధం కావడం విశేషం. ఇక మోపిదేవి పార్టీ మారడంతో రేపల్లె మున్సిపాలిటీ టిడిపి ఖాతాలో పడనుంది. మొత్తం 28 కౌన్సిలర్లకు వైసీపీ బలం 26గా ఉంది. మోపిదేవితో పాటు పలువురు నేతలు టిడిపి తీర్థం పుచ్చుకోనన్నారు. ఈ లెక్కన చూస్తే రేపల్లె మున్సిపాలిటీ ఇప్పుడు టిడిపి ఖాతాలో పడనుంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి