* పవన్ కు నువ్వు సరిపోవు అనేలా.. జగన్ వైఖరి.!
* ఎన్నికలకు ముందు తీవ్ర మనస్తాపం.!
(తూర్పు గోదావరి -ఇండియాహెరాల్డ్ ): పెండెం దొరబాబు 1959 జనవరి 12న ఆంధ్రప్రదేశ్ లోని తూర్పు గోదావరి జిల్లా కాకినాడ సమీపంలోని సర్పవరం గ్రామంలో జన్మించాడు.ఆయన స్థానికంగా డిగ్రీ వరకు విద్యాభ్యాసం పూర్తి చేశారు.పెండెం దొరబాబు భారతీయ జనతా పార్టీ ద్వారా రాజకీయాల్లోకి వచ్చి 1999లో జరిగిన శాసనసభ ఎన్నికల్లో బీజేపీ తరపున పోటీ చేసి ఓడిపోయి, 2004లో బీజేపీ నుండి పోటీ చేసి తన సమీప ప్రత్యర్థి కాంగ్రెస్ అభ్యర్థి కొప్పన మోహనరావు పై గెలిచి తొలిసారి ఎమ్మెల్యేగా అసెంబ్లీకి ఎన్నికయ్యాడు.తర్వాత రాజకీయంగా చోటు చేసుకున్న పరిణామలకి ఆయన బీజేపీని వీడి 2009లో వై.యస్. రాజశేఖరరెడ్డి సమక్షంలో కాంగ్రెస్ పార్టీలో చేరారు.పెండెం దొరబాబు వై.యస్. రాజశేఖరరెడ్డి మరణాంతరం వైసీపీ పార్టీలో చేరి జగన్ వెంట నడిచారు.
అయితే ఇటీవల జరిగిన అసెంబ్లీ ఎన్నికల్లో జగన్ గెలుపు కోసం చేసిన వ్యూహత్మక తప్పిదంలో పెండం దొరబాబు కూడా బలి అయ్యారు.కూటమి తరపున పిఠాపురం నుండి పవన్ కళ్యాణ్ పోటి చేయడంతో వైసీపీ అధిష్టానం సిట్టింగ్ ఎమ్మెల్యేగా ఉన్న పెండ్యం దొరబాబును కాదని వంగా గీతకు అవకాశం ఇచ్చి పవన్ పై పోటీకి దింపారు.దీనికి తోడు వంగా గీతా పార్టీ కార్యాలయాన్ని దొరబాబు ఇంటికి సమీపంలో ఏర్పాటు చేయడంతో దొరబాబులు అసంతృప్తి ఇంకా పెరిగింది. ఎన్నికల ముందే దొరబాబు పార్టీని విడాలని నిర్ణయించుకున్నప్పటికీ వైసిపి అధిష్టానం బుజ్జగించే పనులు చేపట్టింది.అయినప్పటికీ ఇటీవల జరిగిన ఎన్నికలలో తీవ్ర నిరాశతోనే దొరబాబు పనిచేశారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి