ఇప్పుడు వైసీపీలో ఇదే జరుగుతుంది. వైసీపీ అధినేత జగన్ కొద్దిగా చొరవ తీసుకుంటే పార్టీ నుంచే బయటకు వెళ్లకుండా కొంతమంది నాయకులను ఆపే ప్రయత్నం చేయవచ్చు. కానీ.. జగన్ పూర్తిగా చేతులు ఎత్తేశారు. చివరకు తనతో పాటు 15 ఏళ్ళ‌కు పైగా జర్నీ చేస్తూ తనకోసం జైలు శిక్ష కూడా అనుభవించిన మోపిదేవి వెంకటరమణ లాంటి నేతలు కూడా పార్టీ వీడి.. అందులోనూ తన రాజ్యసభ పదవిని వదులుకొని మరి బయటికి వెళ్లిపోతున్నా.. జగన్ అడ్డుకునే ప్రయత్నం చేయటం లేదు. అంటే జగన్ కే తన పార్టీ పట్ల నమ్మకం లేదా..? తన భవిష్యత్తు విషయంలో జగన్ కి కాన్ఫిడెన్స్ లేదా..? అన్న సందేహాలు ప్రజల్లో కనిపిస్తున్నాయి.
ఇక ఎంత లేదన్న రాజకీయ పార్టీలకు సొంత నిఘా వ్యవస్థ ఉంటుంది. జగన్ వైసిపి నిఘా నిద్దరోతున్న పరిస్థితి కనిపిస్తుంది ఎవరైనా ఒక నేత బయటకు వెళ్ళిపోతున్నారంటే.. ముందుగానే సంకేతాలు వస్తాయి. వాళ్లను పార్టీ అధినేత నేరుగా పిలిపించుకుని బుజ్జగించుకుని పార్టీ వీడకుండా ఆపే ప్రయత్నం చేయవచ్చు. వైసీపీలో ఇప్పుడు నిఘా విభాగం పూర్తిగా నిద్రపోతున్న పరిస్థితి. అందుకే కీలక నేతలు వరుసగా పార్టీని వీడి వెళ్లిపోతున్న జగన్ కి తెలియటం లేదు. జగన్ కూడా పట్టించుకోవడం లేదు. ఎవరు..? పార్టీ వీడియో వెళ్లకుండా కనీసం ఆపే ప్రయత్నం కూడా చేయడం లేదు. ఇక అందరూ వెళ్లిపోయాక జగన్ ఒక్కడే మిగిలి పిసుక్కోవ‌డ‌మే తప్ప చేసేదేం ఉండదు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి