వందల కోట్ల ప్రకటనలు మాత్రమే కాదు.. ప్రజాధనంతో రోజులు లక్షల కాపీలు కొనుగోలు చేయించేవారు. వాలంటీర్లు.. సచివాలయ ఉద్యోగులు, మామూలు ఉద్యోగులు.. యూనివర్సిటీలు ఇలా దేనిని వదలకుండా ప్రతి ప్రభుత్వ వ్యవస్థలను సాక్షి పేపర్ ను ప్రజాధనంతో కొనిపించారు. ఎలాగైనా ఈనాడును బ్రేక్ చేయాలని జగన్ అధికారంలో ఉన్నప్పుడు ఎన్ని ప్రయత్నాలు చేసినా సాధ్యం కాలేదు. అసలు ఇక తెలంగాణలో సాక్షిని పట్టించుకునే వారే లేరు. ఏపీలో ఇప్పుడు వాళ్లకు రాజకీయంగా అవసరం కాబట్టి.. కాంప్లిమెంటరీ కాపీలు వేస్తున్నారు. సంవత్సర చందా కేవలం 1250 రూపాయలు మాత్రమే అని బతిమిలాడుతున్నారు.
అంతేకాదు ఓ కుక్కర్ లేదా ఇంకో గిఫ్ట్ కూడా ఆఫర్ చేస్తున్నారు. ఏడాది చందా రూ. 1250 పెట్టి తీసుకుంటే అందులో సగం మొత్తం గిఫ్ట్ రూపంలో ఇచ్చేస్తారు అన్నమాట. అంటే సాక్షి మళ్ళీ రెండు రూపాయల స్టేజ్ కు వచ్చేసింది. సాక్షి పత్రిక పెట్టినప్పటి నుంచి అక్రమ సంపాదన.. అవినీతి మూలాలు ఉన్నాయన్న విమర్శలు వస్తున్నాయి. అప్పట్లో రూ.2కే పేపర్ ఇస్తూ ఇతర పత్రికలు కూడా అదే రేటుకు ఇవ్వాలని ఉద్యమం చేశారు. ఇప్పుడు అన్ని పత్రికలు రూ.6 కు అమ్ముతున్నాయి. కాబట్టి ఇప్పుడు తప్పుడు మార్కెటింగ్ వ్యూహాలతో సాక్షి రూ.2కు ఇచ్చే స్థాయికి దిగజారిపోయిందని చెప్పాలి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి