గత ఎన్నికలలో పోటీ చేసి ఓడిపోయిన నియోజకవర్గాల ఇన్చార్జిలు, మాజీ ఎమ్మెల్యేలు, మాజీ మంత్రులు, పార్టీ జిల్లా అధ్యక్షులు ఎవరు కూడా నియోజకవర్గాలను పట్టించుకునే పరిస్థితిలో లేరు. అసలు పార్టీ కేడర్ను ఏ మాత్రం పట్టించుకోని పరిస్థితి నెలకొంది. ఆళ్ల నాని, కిలారు రోశయ్య, గంటా పద్మశ్రీ, పోతుల సునీత, బీద మస్తాన్ రావు, మోపిదేవి వెంకటరమణ, ఈపూరు గణేష్, మద్దాలి గిరిధర్ రావు ఇలా చాలామంది నేతలు పార్టీ నుంచి బయటికి వచ్చేస్తున్నారు. పార్టీ అధికారంలో ఉన్నప్పుడు ఒక రేంజ్ లో హడావిడి చేసిన మాజీ మంత్రి విడుదల రజనీ లాంటి వాళ్ళు సైతం సైలెంట్ అయిపోయారు.
ఓవరాల్ గా 100 నియోజకవర్గాలలో పార్టీ జెండా ముందుగా పట్టుకుని నడిపించే నాయకుడు, ఇన్చార్జ్ లేడంటే పార్టీలో ఎంత సంక్షోభం ఉందో తెలుస్తోంది. ఇదే పరిస్థితి కొనసాగితే 100 నియోజకవర్గాలలో వచ్చే ఎన్నికలలో వైసీపీ తరఫున పూర్తి చేసేందుకు బలమైన అభ్యర్థులు లేని పరిస్థితి. ఒకవేళ నియోజకవర్గాల పున‌ర్విభ‌జ‌న జ‌రిగి అదనంగా మరో 50 నియోజకవర్గాలు కలిస్తే మొత్తంగా 150 అసెంబ్లీ నియోజకవర్గాలలో వైసీపీకి అభ్యర్థులు దొరకని పరిస్థితి. చివరకు పార్టీ ఇన్చార్జిలు, మాజీ ఎమ్మెల్యేలు, మాజీ ఏఎంసీ చైర్మన్లు, మేయర్లు, మున్సిపల్ చైర్మన్లు, ద్వితీయ శ్రేణి నాయకులు కూడా పార్టీ మారిపోతూ ఉండడంతో.. గతిలేక తృతీయ శ్రేణి నాయకులకు, మండల స్థాయి నాయకులకు జగన్ ఇన్చార్జి పగ్గాలు అప్పగిస్తున్న పరిస్థితి నెలకొంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి