ఈ ప్యాకేజీ ద్వారా ప్రయాణికులు నెల రోజుల పాటు ఎంపిక చేసుకున్న ట్రావెల్ యాడ్ ఆన్‌లపై 20 శాతం వరకు తగ్గింపు పొందవచ్చు. పండుగలు, సెలవుల కోసం ఇంటికి వెళ్లేవారికి మెరుగైన సేవలు అందించాలన్న ఉద్దేశంతో ఈ ప్యాకేజీని అమలు చేస్తున్నట్టు సదరు సంస్థ పేర్కొంది. సెప్టెంబర్ 30వ తేదీ వరకూ విమానయాన సంస్థ వెబ్‌సైట్, మొబైల్ యాప్ ద్వారా బుకింగ్‌లు చేసుకుని ప్రయాణికులు ఈ ఆఫర్లను పొందవచ్చు. ఇండిగో ప్రవేశపెట్టిన యాడ్-ఆన్ ఫియస్టా ఆఫర్ ద్వారా విమాన ప్రయాణికులు ఈ కింద సౌకర్యాలు పొందవచ్చు.
ప్రయాణికులు తమకు నచ్చిన సీటును... కిటికీ, అదనపు లెగ్‌రూమ్ తదితర వాటిని తమ అవసరాలను అనుగుణంగా ఎంపిక చేసుకోవచ్చు. అదేవిధంగా ప్రయాణం సాఫీగా జరగడానికి అదనపు లగేజీ భత్యాన్ని ముందస్తుగా బుక్ చేసుకొనే వీలుంది. ప్రయాణికులు ఆన్‌లైన్‌లో ముందస్తుగా బుక్ చేసుకోవడం ద్వారా తక్కువ ఖర్చుతో ఎక్కువ బ్యాగేజీని తీసుకువెళ్లవచ్చనే సంగతి మర్చిపోవద్దు. అదేవిధంగా వెయిటింగ్ సమయం తగ్గించడానికి, త్వరిత చెక్-ఇన్, ఫ్లెక్సిబుల్ బోర్డింగ్‌ కు వీలుంటుంది. స్ట్రీమ్‌లైన్డ్ ట్రావెల్ ఎక్స్‌పీరియన్స్ కోసం ఫాస్ట్ ఫార్వర్డ్ సర్వీస్‌లతో పాటు ఇష్టపడే సీటు, భోజనాన్ని కూడా ఎంపిక చేసుకోవచ్చు. మరెందుకాలస్యం.. వెబ్ సైట్ చెక్ చేయండి!
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి