- వయసు చిన్నదైనా మాట పెద్దది..
- రాజకీయాల్లోనే కాదు అభివృద్ధిలో కూడా పాలకుర్తి టాపే..
2023 అసెంబ్లీ ఎన్నికల్లో బీఆర్ఎస్ కాంగ్రెస్ బిజెపి మధ్య విపరీతమైనటువంటి పోటీ ఏర్పడింది. ఈ ఎన్నికల్లో మళ్ళీ బీఆర్ఎస్ పార్టీ అధికారంలోకి వస్తుందని అందరూ భావించారు. కానీ అన్ని అంచనాలు తలకిందులైపోయి కాంగ్రెస్ పార్టీ అద్భుత మెజారిటీతో రాష్ట్రంలో అధికారంలోకి వచ్చింది. అంతేకాదు బిజెపి కూడా రాష్ట్రంలో మరింత పుంజుకుంది. కాంగ్రెస్ గెలుపుతో బిఆర్ఎస్ కంచుకోటలన్నీ కూలిపోయాయి. 30 నుంచి 40 ఏళ్ల రాజకీయ అనుభవం ఉన్న వ్యక్తులు కొత్త కొత్త వ్యక్తుల చేతిలో ఓడిపోయారు. వారి రాజకీయ అనుభవం ముందు అంత ఏజ్ లేని వ్యక్తులు కూడా వారిని ఓడించి ఇంటికి పంపించారు. అలాంటి వారిలో చెప్పుకోవాల్సింది ఎర్రబెల్లి దయాకర్ రావు. ఈయన కేసీఆర్ తర్వాత అంతటి రాజకీయ అనుభవం ఉన్న వ్యక్తి. అలాంటి ఈ నాయకుడిని కనీసం రాజకీయ అనుభవమంత ఏజ్ కూడా లేనటువంటి మహిళా నేత యశస్విని రెడ్డి దారుణంగా ఓడించారు. ఎన్నో ఏళ్ల నుంచి పాలకుర్తిలో ఎర్రబెల్లి దయాకర్ రావు కట్టుకున్న కంచుకోట ఆమె కూల్చేశారు. పాలకుర్తిలో గెలిచిన తర్వాత ఎలాంటి అభివృద్ధి చేస్తోంది.. ఎలా దూకుడు మీదుంది అనే వివరాలు చూద్దాం.
పాలకుర్తి యంగ్ లీడర్ :
ప్రస్తుత కాలంలో ఏ నియోజకవర్గంలో చూసినా 50 నుంచి 60,70,80 సంవత్సరాల నాయకులు మాత్రమే పాలిస్తున్నారు. వారికి ఇప్పటి యువత సమస్యలు ఏంటో అసలు అర్థం కావు. అంతా పాత రాజకీయాలే చేస్తూ ఉంటారు. కానీ ఈ ఎన్నికల్లో మాత్రం చాలా వరకు యువత అసెంబ్లీలో అడుగు పెట్టారు. అంతేకాదు వారి గళాన్ని కూడా అసెంబ్లీలో వినిపిస్తూ నియోజకవర్గంలో అభివృద్ధి చెందాలంటే ఎలాంటి పనులు చేయాలో కూడా వారు వివరిస్తున్నారు. ఎందుకంటే ఈ గెలిచినవారు పెద్ద పెద్ద చదువులు చదువుకొని అమెరికా లాంటి దేశాలు వెళ్లి వచ్చి అక్కడి పరిస్థితులు చూసొచ్చారు. కాబట్టి నియోజకవర్గాలను అభివృద్ధి చెందించాలంటే ఫస్ట్ అక్కడ చదువుకున్న యువతకు ఉద్యోగ అవకాశాలు దొరకాలి. విద్యార్థులకు మంచి చదువు అందాలి. దానివల్ల ఆటోమేటిక్ గా నియోజకవర్గాలు అభివృద్ధి చెందుతాయని అంటున్నారు. అందులో ముఖ్యంగా చెప్పుకోవాల్సింది యశస్విని రెడ్డి.. అమెరికాలో జాబ్ చేసి అత్తగారి ద్వారా పాలకుర్తిలో పోటీ చేసి గెలిచింది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి