* అమెరికా అంటేనే భయపడుతున్న భారతీయ విద్యార్థులు
* అగ్రరాజ్యం వీసా ప్రాసెస్ మరింత కఠినం
* అన్నీ వున్నా ఆదిలోనే హంసపాదు.. భారతీయుల కష్టాలు వర్ణనాతీతం ..
ప్రస్తుతం భారత దేశ విద్యార్థులు ఉన్నత విద్య కోసం విదేశాలకు వెళ్తున్నారు.ఇది ఎప్పటి నుంచో జరుగుతున్నదే.. దశాబ్దాల తరబడి కొనసాగుతూ వస్తోంది. భారతదేశం నుండి వెళ్లిన చాలామంది చదువు పూర్తి చేసుకొని మంచి ఉద్యోగం సంపాదించి అక్కడే స్థిర పడినవారు వున్నారు.కానీ కొన్ని దేశాలు స్టడీ వీసాల్లో భారీగా కోత విధిస్తున్నాయి.. దీనితో భారతీయ విద్యార్థులకు విదేశీ విద్య కల గానే మారుతుంది. అగ్ర రాజ్యం అమెరికా లో అయితే వీసా ప్రాసెస్ దారుణం.. అతి కష్టం మీద వీసా ప్రాసెస్ అంతా పూర్తి చేసుకుని అమెరికా బయలుదేరిన విద్యార్థులకు ఆదిలోనే ఎదురు దెబ్బ తగులుతుంది. వీసా ప్రాసెస్ పూర్తి అయింది... అలాగే యూనివర్సిటీ నుంచి అడ్మిషన్‌ కూడా ఖరారైంది. ఇతర డాక్యుమెంట్స్ కూడా ఉన్నాయ్‌.అయినా కూడా అమెరికా లో ల్యాండ్ అయ్యాక భారతీయ విద్యార్థులు ఊహించని పరిస్థితి ఎదుర్కుంటున్నారు. సరైన కారణం చెప్పకుండానే తమని డిపోర్ట్ చేశారంటూ విద్యార్థులు ఆవేదన వ్యక్తం చేస్తున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి