ఇప్పుడు వైసీపీ ఓడిపోవడంతో తిరిగి టిడిపి వైపు చూస్తున్నట్టు తెలుస్తోంది. విశాఖ డైరీ నుంచి సింహాచలం దేవస్థానానికి నెయ్యి సరిపడా చేసేలా ఆయన తాత్కాలిక కాంట్రాక్టు పొందినట్టు తెలుస్తోంది. ఇప్పటిదాకా ఇది వేరే సంస్థ సరఫరా చేస్తుంది. అయితే శ్రీవారి లడ్డు ప్రసాదంలో వాడిన నెయ్యలో కల్తీ జరిగింది అన్న ఆరోపణల నేపథ్యంలో ఫుడ్ అండ్ సేఫ్టీ అధికారులు సింహాచలం దేవస్థానంలోనూ ప్రస్తుతం వాడుతున్న నెయ్యి సీజ్ చేశారు. దీంతో దయనందన వ్యవహారాలు సాగేందుకు వీలుగా విశాఖ డైరీ నుంచి టెంపరరీ పద్ధతిలో నెయ్యి సరిపడా కాంట్రాక్టుని ఆనంద్ కుమార్ అందుకున్నారు.
దీంతో అడారి ఆనంద్ కుమార్ కు టిడిపిలో చేరేందుకు లైన్ క్లియర్ అయింది అన్న ప్రచారం నడుస్తోంది. టిడిపితో గత కొన్నిళ్ళుగా తెగిపోయిన ఈ బంధం ఇప్పుడు నెయ్యి రూపంలో కొత్తగా మారుతోందని అంటున్నారు. దీని వెనక ఒక మాజీ మంత్రి చక్రం తిప్పారని అంటున్నారు. అడారి ఆనంద్ తండ్రి తులసిరావు టిడిపిలో ఉంటూ వచ్చారు. ఆనంద్ కుమార్ 2019లో అనకాపల్లి నుంచి ఎంపీగా టిడిపి తరఫున పోటీ చేసి ఓడిపోయారు. ఆ తర్వాత వైసిపి లో చేరిన ఈ కుటుంబం ఇప్పుడు తిరిగి మాతృ సంస్థ వైపు అడుగులు వేస్తున్నట్టుగా విశాఖ జిల్లా రాజకీయ వర్గాలలో జోరుగా ప్రచారం నడుస్తోంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి