ఆలపాటి రాజేంద్రప్రసాద్ కు ఇటీవల జరిగిన ఎన్నికలలో పోటీ చేసే అవకాశం లభించలేదు. ఆ స్థానాన్ని జనసేనకు చెందిన మంత్రి నాదెండ్ల మనోహర్ కు కేటాయించడంతో ఆలపాటి రాజా తన సీటు త్యాగం చేయాల్సి వచ్చింది. దానికి ప్రతిఫలంగానే ఇప్పుడు ఎమ్మెల్సీ టికెట్ దక్కబోతుంది. ఇక కోనసీమ జిల్లాలోని ముమ్మిడివరం నియోజకవర్గంలోని ఐ పోలవరం మండలానికి చెందిన పేరాబత్తుల రాజశేఖర్ గతంలో ఆ మండలానికి ఎంపీపీగా .. జడ్పిటిసిగా పనిచేశారు. ఎన్నికల సమయంలో చంద్రబాబు కార్యక్రమాల పర్యవేక్షణ కమిటీ సభ్యుడుగా కూడా వ్యవహరించారు. ఇటీవల ఎన్నికలలో కాకినాడ రూరల్ సీటు ఆశించారు.
అయితే ఆ సీటు జనసేనకు కేటాయించడంతో రాజశేఖర్ కు ఎమ్మెల్యే అవకాశం రాలేదు. ఇప్పుడు ఆయనకు ఎమ్మెల్సీ టికెట్ ఖాయం అని జరుగుతోంది. ఉభయగోదావరి జిల్లాల పట్టబద్రులు ఎమ్మెల్సీ అభ్యర్థిగా కాపు లేదా ఎస్సీ సామాజిక వర్గానికి చెందినవారికి అవకాశం ఇవ్వాలని తెలుగుదేశం భావించింది. మాజీ మంత్రి కే.ఎస్ జవహర్ తో పాటు పలువురు పేర్లు పరిశీలించింది. అయితే ఆ రెండు ఉమ్మడి జిల్లాలలో సంఖ్యాపరంగా బలమైన కాపు సామాజిక వర్గానికి చెందిన రాజశేఖర్ కు అవకాశం ఇచ్చే బాగుంటుందని చంద్రబాబు నిర్ణయానికి వచ్చినట్టు తెలుస్తోంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి