చంద్రబాబు హిందూ ధర్మ పరిరక్షకుడు అని చెప్పుకుంటూ ప్రజలను మభ్య పెడుతున్నారని పోసాని మండిపడ్డారు. అయ్యప్ప మాల వేసుకోవడం వల్లనే మందు అమ్మకాలు సరిగ్గా జరగడం లేదన్న వ్యక్తి.. ఇపుడు ధర్మ పరిరక్షకుడిగా చెప్పుకోవడం కాస్త విడ్డురంగా ఉందని విమర్శించారు. మతతత్వ పార్టీ బీజేపీతో అనవసరంగా పొత్తు పెట్టుకున్నానని గతంలో చంద్రబాబు ఓ మసీదులో చెప్పాడని, మోదీ అంటే కేడీ, కేడీ అంటే మోదీ! అని కూడా ఎంతో ఘోరంగా తిట్టిన విషయాన్ని ఈ సందర్భంగా గుర్తు చేసాడు పోసాని. చంద్రబాబు లాంటి వ్యక్తి వస్తాడనే అంబేడ్కర్‌ చాలా బలమైన రాజ్యాంగాన్ని రాశాడని అన్నారు.
ఇక అదంతా పక్కన బెడితే, కొడుకు నారా లోకేశ్‌ భవిష్యత్తు కోసం బాబు ఇపుడు జగన్‌ను చంపాలని అనుకుంటున్నారు! అని చాలా బలమైన, నిరాధారమైన ఆరోపణలు చేసారు పోసాని. దాంతో ఈ వ్యాఖ్యలు ఇపుడు సోషల్ మీడియాలో పెను దుమారం సృష్టిస్తున్నాయి. అంతేకాకుండా, చంద్రబాబు తిరుమలను నాశనం చేయడానికి పూనుకున్నారని, ఈ విషయాన్ని భక్తులు తెలుసుకోవాలని సూచించారు. అంతేకాకుండా, బాబుకి పవన్ తోడయ్యాడని, ఇద్దరూ కలిసి ఎప్పుడైనా జగన్ కి స్కెచ్ వేయవచ్చని, ఈ సందర్భంగా జగన్ మోహన్ రెడ్డికి జాగ్రత్తగా ఉండమని సూచించారు. కాగా ఈవ్యాఖ్యలపై ఇపుడు టీడీపీ శ్రేణులు మండిపడుతున్నాయి. ఇక పోసాని చివర్లో మాట్లాడుతూ... జగన్ పాపం ఏ పాపం చేశాడని.. ఆయన్ను ఎందుకింత హింసిస్తున్నారని ప్రశ్నించారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి