రాష్ట్ర విభజన తర్వాత జరిగిన ఎన్నికల్లో టిడిపి అధికారంలోకి వచ్చింది. ఆ తర్వాత 2017లో సాగునీటి సంఘాల ఎన్నికల జరిగాయి. ఆ తర్వాత 2019లో వైసీపీ ప్రభుత్వం సాగునీటి సంఘాలను పట్టించుకోలేదు. అలాగే 2020లో సాగునీటి సంఘాలు వ్యవస్థని రద్దు చేశారు. అయితే ఇప్పుడు కూటమి ప్రభుత్వ మరోసారి అధికారంలోకి రావడంతో సీఎం చంద్రబాబు సాగునీటి సంఘాల ఎన్నికలను నిర్వహించాలని నిర్ణయం తీసుకున్నారు. దాదాపు 9 సంవత్సరాల తర్వాత ఎన్నికల నిర్వహణ కోసం ఉత్తర్వులు కూడా ఇచ్చారు. మొత్తం 49,20 ప్రాదేశిక నియోజకవర్గలు, 6,149 సాగునీటి వినియోగదారుల కమిటీల పరిధిలో ఎన్నికలు జరగనున్నాయి.
అయితే ఈ సాగునీటి సంఘాల ఎన్నికలు మూడు దశల్లో జరగనున్నాయి. మొదటి దశలో నీటిసంఘాలు ఎన్నికలు,ఈ ఎన్నికల ద్వారా ఆరుగురు డైరెక్టర్లను ఎన్నుకుంటారు. ఆరుగురు డైరెక్టర్లలో నుంచి ఓ అధ్యక్షుడు, ఉపాధ్యక్షుడులను ఎన్నుకుంటారు. రెండో విడతలో నీటి సంఘాల అధ్యక్షులు, ఉపాధ్యక్షులు కలిసి డిస్ట్రిబ్యూటరీ కమిటీలను ఎన్నుకుంటారు. మూడో విడతలో డిస్ట్రిబ్యూటరీ కమిటీ అధ్యక్షులు కలిసి జిల్లా ప్రాజెక్టు కమిటీ చైర్మన్‌, ఉపాధ్యక్షుడు, డైరెక్టర్లను ఎన్నుకుంటారు. ఈ కమిటీల పర్యవేక్షణలో డ్రైయినేజీ వ్యవస్థ, పూడికతీత, తట్టమట్టి తొలగింపు, పంట కాల్వల ఆధునీకరణ వంటి పనులు చేపడతారు. ఇలాంటి కీలకమైన సాగునీటి సంఘాలకు తిరిగి ఎన్నికలు నిర్వహిస్తూ ఉండటంతో రైతుల నుంచి హర్షం వ్యక్తమవుతోంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి