కొన్ని సంఘటనలు పరిగణనలోకి తీసుకున్నప్పుడు భారత దేశంలో రాజకీయాలకంటే మెరుగైన, మేలైన, లాభదాయకమైన వ్యాపారం మరోకటి లేదని ఒకరంటే.. పెట్టుబడి కూడా అదే స్థాయిలో ఉంటుందని మరికొందరు చెబుతుంటారు. ఈ క్రమంలో ఆ కామెంట్లకు బలం చేకూరుస్తూ.. సర్పించి పదవి కోసం రూ.2 కోట్లు అనే విషయం తెరపైకి వచ్చింది.
అవును.. పంజాబ్ లోని గురుదాస్ పుర్ జిల్లాలోని హర్దోవల్ కలాన్ సరిహద్దు గ్రామం సర్పించి పదవి కోసం వేలం వేసింది. ఈ వేలంలో ఆ సర్పంచి పదవి రూ.2 కోట్ల మార్కును తాకడం తీవ్ర చర్చనీయాంశం అయింది. ఈ వ్యవహారంలో స్థానిక బీజేపీ నాయకుడు ఆత్మసింత్ అత్యధిక బిడ్ వేయడం ద్వారా మిగిలిన ఇద్దరు ప్రత్యర్థులిద్దరనీ ఓడించాడు.
ఈ గ్రామంలో సర్పించి పదవి కోసం ప్రధానంగా ముగ్గురు మధ్య భారీ పోటీ నెలకొంది. ఇందులో భాగంగా బీజేపీ నుంచి ఆత్మసింగ్, జస్విందర్ సింగ్ బేదీ, నిర్వైర్ సింగ్ లు పోటీ పడ్డారు. ఆ సమయంలోనే ఆత్మసింగ్ రూ.2కోట్ల బిడ్ వేసి సర్పంచి పదవిని దక్కించుకున్నారు. ఈ నిధులు గ్రామ అభివృద్ధికి వెచ్చించనున్నట్లు గ్రామ కమిటీ తెలిపింది.
ప్రభుత్వ, పంచాయతీ గ్రాంటులతో సంబంధం లేకుండా నిధులను ఉపయోగించుకునేలా ప్రణాళికలు సిద్ధం చేసింది ఆ గ్రామ యువజన సమ్మేళనం. ఇలా వేలం వేసి సర్పించి ను ఎన్నుకునే విషయంలో ఈ గ్రామం పేరు గడించిందని చెబుతున్నారు. వాస్తవానికి ఈ వేలం రూ.50 లక్షలతో ప్రారంభం అయింది. అనంతరం వేగం పెరగడం మొదలైంది. ఈ సమయంలో ఆత్మసింగ్ అత్యధిక ధర వెచ్చించి పదవిని దక్కించుకున్నాడు. తన తండ్రి గతంలో సర్పంచి గా పనిచేశారని ఆయన చెబుతున్నారు. ఈ నేపథ్యంలో తాను కూడా సర్పంచి అవ్వాలని నిర్ణయించుకున్నట్లు తెలిపారు. ఈ గ్రామంలో 350 ఎకరాల భూమి ఉందని.. తాను బాధ్యతలు స్వీకరించిన తర్వాత గ్రామంలోని యువకలుతో కలిసి మరింత అభివృద్దికి కృషి చేస్తానని ఆత్మసింగ్ చెప్పుకొచ్చారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి