అంతా తానే అయి చక్రం తిప్పారు. ఫలితంగా అప్పటివరకు బలమైన వాయిస్ వినిపించిన నాయకులు అందరూ పార్టీకి దూరమయ్యారు. గెలుస్తామని ధీమా వ్యక్తం చేసిన నియోజకవర్గాలలోను పార్టీ ఘోరంగా ఓడిపోయింది. ఇప్పుడు జిల్లా మొత్తం మీద పార్టీకి ఒక సీటు కూడా రాలేదని వాపోతున్నారు. అయితే జిల్లాకు చెందిన వైసీపీ నాయకులు అందరూ జగన్కు అల్టిమేటం జారీ చేస్తున్నారు. ధర్మాన వంటి నాయకులకు ఇంకా పెత్తనం అప్పగించి ఆయనను కొనసాగిస్తే తాము కొనసాగలేమ‌ని క్షేత్రస్థాయిలో నాయకులు తేల్చి చెబుతున్నారు. ధర్మాన అనుసరించిన విధానాలతో పార్టీ భారీగా నష్టపోయిందని వారు చెబుతున్నారు.
జిల్లాలో అతిపెద్ద సామాజిక వర్గం కాళింగ‌ల‌కు అవకాశం ఇస్తే బలమైన ఎదుగుదల ఉంటుందని.. మెజార్టీ నాయకులు అభిప్రాయపడుతున్నారు. కానీ ధర్మానికి ఇంకా అవకాశం ఇవ్వటం.. ఆయన చెప్పినట్టే వినమని జగన్ చెప్పడంతో చాలామంది నాయకులు తర్జనభర్జన పడుతున్నారు. కేడర్ ఎవరితో సమన్వయం చేసుకోవాలో కూడా ఇప్పటి వరకు అధిష్టానం నుంచి స్పష్టత లేకపోవడంతో.. జిల్లా వైసీపీలో తీవ్రమైన గందరగోళ పరిస్థితి ఏర్పడింది. కాళింగ సామాజిక వర్గానికి చెందిన నాయకులకు జిల్లా పార్టీ పూర్తిస్థాయి బాధ్యతలు అప్పగిస్తే బాగుంటుందని అంటున్నారు. ధర్మాన మాత్రం కాళింగ సామాజిక వర్గానికి చెందిన నాయకులు ఎదిగేందుకు ఎంత మాత్రం అవకాశం ఇవ్వటం లేదన్న చర్చలు ఉన్నాయి. ఏది ఏమైనా ధర్మాన తీరుతో శ్రీకాకుళం జిల్లా వైసీపీలో ముసలం రాజుకుందని చెప్పాలి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి