ఇలాంటి నేపథ్యంలో రేవంత్ రెడ్డి సర్కారు చేపడుతున్న ఈ యజ్ఞానికి నైతిక బలం అందించేలా కెవిపి రామచంద్రరావు ఓ ఆసక్తికర పని చేశారు. కాంగ్రెస్ పార్టీ సీనియర్ నాయకుడు దివంగత మాజీ ముఖ్యమంత్రి వైఎస్ రాజశేఖర్ రెడ్డి అత్యంత సన్నిహితుడు అయిన కేవీపీ.. మూసీ నది తీరంలో ఓ ఫామ్ హౌస్ కట్టుకున్నారు. దీంతో సహజంగానే బిఆర్ఎస్ నేతలు కెవిపి ఫామ్ హౌస్ కూడా రేవంత్ కూల్చివేయాలని డిమాండ్ చేశారు. ఈ నేపథ్యంలోని కేవీపీ స్వయంగా ముఖ్యమంత్రి రేవంత్‌కు ఒక లేఖ రాశారు. కూల్చివేతల విషయంలో తన పట్ల ఎలాంటి మినహాయింపులు అక్కర్లేదని.. సాధారణ పౌరుడు విషయంలో చట్టం ఎలా ఉందో తన పట్ల కూడా అలాగే వ్యవహరించాలని కోరారు.
తన ఫామ్ హౌస్ ను చట్ట ప్రకారమే నిర్మించాను అని.. అక్రమ నిర్మాణం అని తెలిస్తే తానే తన సొంత ఖర్చుతో కూల్చివేస్తానని కెవిపి రామచంద్రరావు ముందుకు రావడం విశేషం. మూసీ నది బఫర్ జోన్ విషయంలో రేవంత్ ప్రభుత్వం చాలా దూకుడుగా నిర్మొహమాటంగా వ్యవహరిస్తోంది. సంపన్నుల ఆస్తులు, కన్వెన్షన్ సెంటర్లు కూల్చినప్పుడు మద్దతు ప్రకటించిన బిజేపి కూడా.. మూసి ప్రాంతంలో పేదల ఇల్లు కూల్చివేస్తుంటే వ్యతిరేకిస్తోంది. వారికి డబుల్ బెడ్ రూమ్ ఇల్లు కేటాయించిన విషయాన్ని బిజేపి మర్చిపోతుంది. ఏది ఏమైనా రేవంత్ ప్రయత్నానికి నైతిక మద్దతు ఇచ్చేలా కాంగ్రెస్ సీనియర్ నాయకుడు ఆయన కెవిపి రామచంద్రరావు తన ఇల్లు అక్రమం అని తేలితే తానే స్వయంగా కూల్చివేస్తానని చెప్పటం రేవంత్ కూల్చివేతలకు మంచి నైతిక మద్దతు ఇచ్చినట్లయింది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి