ఆళ్లగడ్డ ఎమ్మెల్యే భూమా అఖిలప్రియ వయస్సులో చిన్నవారు అయినప్పటికీ రాజకీయాలలో దూకుడు ప్రదర్శించడం ద్వారా ఆమె వార్తల్లో నిలుస్తున్నారు. అఖిలప్రియకు సంబంధించిన కొన్ని వీడియోలు సైతం నెట్టింట వైరల్ అయ్యాయి. రాజకీయంగా ఆమె ఒకింత దూకుడుతో వ్యవహరిస్తూ హాట్ టాపిక్ అవుతున్నారనే చెప్పాలి. అఖిలప్రియ తీరు వల్ల ప్రజల్లోకి మరో తరహా సంకేతాలు వెళ్తున్నాయని కామెంట్లు వినిపిస్తున్నాయి.
సొంత పార్టీ వాళ్లు సైతం ఆమె వల్ల ఇబ్బంది పడుతున్నారని ప్రచారం జరుగుతోంది. కడప టీడీపీ ఎమ్మెల్యే మాధవీరెడ్డి తీరు విషయంలో సైతం విమర్శలు వినిపిస్తున్నాయి. మాధవీరెడ్డి పాలన విషయంలో కడప ప్రజలు పూర్తిస్థాయిలో సంతృప్తితో అయితే లేరనే చెప్పాలి. ఆమె గురించి చంద్రబాబు, లోకేశ్ లకు పెద్దఎత్తున ఫిర్యాదులు వస్తున్నాయని పొలిటికల్ వర్గాల్లో వినిపిస్తోంది.
పులివర్తి సుధారెడ్డి రూపంలో కూటమికి మరో తలనొప్పి ఎదురైందని పొలిటికల్ వర్గాల్లో ప్రచారం జరుగుతుండటం గమనార్హం. సుధారెడ్డి మాటతీరు విషయంలో టీడీపీ అనుకూల పత్రికలలోనే వ్యతిరేక కథనాలు వచ్చాయి. పులివర్తి సుధా తీరు విషయంలో సొంత పార్టీ నేతల నుంచి భిన్నాభిప్రాయాలు వ్యక్తమవుతున్నాయి. ఈ ముగ్గురు మహిళా నేతల విషయంలో టీడీపీ నిర్ణయాలు ఏ విధంగా ఉండబోతున్నాయో చూడాలి. తెలుగుదేశం పార్టీలో హద్దులు దాటి ప్రవర్తిస్తున్న నేతల విషయంలో చంద్రబాబు, లోకేశ్ ఒకింత కఠినంగా వ్యవహరించాల్సిన అవసరం అయితే ఎంతైనా ఉందని కామెంట్లు వ్యక్తమవుతున్నాయి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి