ఈ అంచనా ఖావో ఖీవ్ ఓపెన్ జంతుప్రదర్శనశాలలో జరిగింది. ది ఇండిపెండెంట్ నివేదిక ప్రకారం, జూకీపర్లు మూ డెంగ్‌కు ఎంచుకోవడానికి నవంబర్ 5న రెండు పండ్ల కేకులను ఇచ్చారు. ఈవెంట్ వీడియోలో, మూ డెంగ్‌కు రెండు పుచ్చకాయలను అందించారు. ఒక పుచ్చకాయపై డొనాల్డ్ ట్రంప్ పేరు చెక్కబడి ఉండగా, మరొకటి కమలా హారిస్ పేరును చెక్కారు. మూ డెంగ్ ఎంపిక దాని అంచనాను సూచిస్తుంది.
వీడియోలో, మూ డెంగ్ ట్రంప్ పేరుతో లేబుల్ చేసిన పుచ్చకాయను తినడానికి ఎంచుకుంది. ఆపై ఎన్‌క్లోజర్‌లో ఉన్న పెద్ద హిప్పో హారిస్ పేరుతో ఉన్న పుచ్చకాయను తిన్నది. 2024 ఎన్నికల రేసులో ట్రంప్, హారిస్ చాలా దగ్గరగా ఉన్నారని జాతీయ పోల్‌లు చూపిస్తున్న సమయంలో మూ డెంగ్ ఎంపిక జరిగింది. సోమవారం, ట్రంప్, హారిస్ ఇద్దరూ ముఖ్యమైన రాష్ట్రాల్లో ప్రచారం చేశారు. అధ్యక్ష పదవికి ఎన్నికలకు ముందు రోజే తుది ప్రయత్నాలు చేశారు.
యూనివర్శిటీ ఆఫ్ ఫ్లోరిడా ఎలక్షన్ ల్యాబ్ ప్రకారం, సోమవారం నాటికి, 78 మిలియన్లకు పైగా అమెరికన్లు ఇప్పటికే ఓటు వేశారు. ఈ ల్యాబ్ U.S. అంతటా ముందస్తు, మెయిల్-ఇన్ ఓటింగ్‌ను ట్రాక్ చేస్తుంది. అభ్యర్థులు పెన్సిల్వేనియా, మిచిగాన్‌లపై దృష్టి సారించారు, ఎందుకంటే అవి 2024 అధ్యక్ష రేసులో చాలా ముఖ్యమైనవి. ఇతర ముఖ్యమైన రాష్ట్రాల్లో అరిజోనా, నెవాడా, విస్కాన్సిన్, నార్త్ కరోలినా, జార్జియా ఉన్నాయి. 2024 ఎన్నికల్లో గెలవాలంటే, ఒక అభ్యర్థి 270 ఎలక్టోరల్ కాలేజీ ఓట్లను పొందాలి. మరి ఈసారి ఈ అగ్రరాజ్య పీఠం ఎవరికి లభిస్తుందో చూడాలి. ట్రంప్ కమల ఇద్దరిలో ఎవరు గెలుస్తారనే దానిపై ప్రపంచ భవిష్యత్తు ఆధారపడి ఉంటుంది అని చెప్పుకోవచ్చు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి