సింగ్ చిన్నప్పుడే తల్లి చనిపోవడంతో అమ్మమ్మ అతడిని చూసుకుంది. ఎన్ని కష్టాలు ఎదురైనా సింగ్ కష్టపడి స్కూల్లో బాగా చదివారు. ప్రస్తుతం పాకిస్థాన్‌లో ఉన్న తన గ్రామంలోని పాఠశాలకు వెళ్లాడు. తరువాత, సింగ్ ప్రసిద్ధ ఆర్థికవేత్త, రాజకీయవేత్తగా ఎదిగారు. అతను రెండు పెద్ద ఆర్థిక సంక్షోభాల నుంచి ఇండియాని చాలా తెలివిగా చాకచక్యంగా కాపాడారు. ఒకటి 1991లో, మరొకటి 2008లో. సింగ్ 2004 నుంచి 2014 వరకు భారతదేశ ప్రధానమంత్రిగా పనిచేశారు.
సింగ్ చిన్ననాటి ఇల్లు, పాకిస్థాన్‌లోని పాఠశాలను ఫోటో ప్రస్తుతం సోషల్ మీడియాలో వైరల్ గా మారింది. చిన్నతనంలో సింగ్ పేద కుటుంబంలో పెరిగారు. ఆయన స్వగ్రామం గహ్ ఒక కుగ్రామం. సింగ్ కుటుంబం ఆర్థికంగా అంతంతమాత్రంగానే ఉండేది, కానీ చదువుకు మాత్రం వాళ్ళు ఎంతో విలువనిచ్చేవారు. సింగ్ తండ్రి ఒక చిన్న దుకాణం నడిపేవాడు. కుటుంబ పోషణ కోసం ఆయన ఎంతో కష్టపడేవాడు.
సింగ్ బాల్యం కష్టాలతోనే సాగింది. ప్రతిరోజూ మైళ్ళ కొద్దీ నడిచి బడికి వెళ్ళేవాడు. ఎన్ని కష్టాలు ఎదురైనా, సింగ్ చదువులో మాత్రం ముందుండేవాడు. చురుకైన, కొత్త విషయాలు తెలుసుకోవాలనే ఆసక్తి ఉన్న విద్యార్థిగా చదువు అంటే అతనికి ఎంతో ఇష్టం. 1947లో భారతదేశ విభజన సమయంలో సింగ్ కుటుంబం భారతదేశానికి వలస రావాల్సి వచ్చింది. ఆ రోజులు ఎన్నో కుటుంబాలకు కష్టకాలం. సింగ్ కుటుంబం కొత్త దేశంలో మళ్ళీ మొదటి నుండి జీవితాన్ని ప్రారంభించాల్సి వచ్చింది.
సామాన్య కుటుంబంలో జన్మించిన సింగ్, తన అలుపెరగని శ్రమ, ధృఢ సంకల్పంతో ఎంతో ఎత్తుకు ఎదిగారు. ఆయన జీవితం ప్రపంచవ్యాప్తంగా అనేక మందికి స్ఫూర్తినిస్తోంది. https://www.instagram.com/p/CDva77kFbv4/?utm_source=ig_web_copy_link
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి