ఇటీవలే తిరుపతిలో జరిగిన తొక్కిసలాట ఉదాంతం అధికారులను, పోలీసులను, టీటీడీ వైఫల్యం అంటూ పవన్ కళ్యాణ్ మాట్లాడడం జరిగింది. ఒకవేళ వారు చేసింది తప్పే అయినా అధికారంలో ఉన్నారు కాబట్టి చర్యలు తీసుకుంటే సరిపోతుంది.. బాధితులని పరామర్శించేందుకు వెళ్లిన డిప్యూటీ సీఎం పవన్ కళ్యాణ్ తన కారులో నుంచి బయటికి వచ్చి మీడియా ముందర పెద్ద పెద్ద అరుపులు అరుస్తూ అధికారుల పైన ఆగ్రహాన్ని ప్రదర్శించారు..ఇది చాలామంది నేతలను, అధికారులను అసంతృప్తికి గురయ్యేలా చేస్తోందట.
అయితే పవన్ కళ్యాణ్ చేస్తున్నది ప్రతిపక్ష తరహాలో వాదన అన్నట్లుగా చాలామంది వ్యతిరేకిస్తున్నారట. ముఖ్యంగా అధికారుల మీద విరుచుకు పడడం అది కూడా అందరం ముందే ఊగిపోవడం వంటివి చేయడంతో చాలామంది పవన్ కళ్యాణ్ ని అధికారంలో ఉన్నారనే విషయం మర్చిపోయారా అంటూ దారుణంగా కామెంట్స్ చేస్తున్నారు. పవన్ కళ్యాణ్ చేస్తున్న చేష్టల వల్ల ఆయన మీద ఉన్న గౌరవం కూడా తగ్గిపోతోందని పలువురు కార్యకర్తలు కూడా వాపోతున్నారు. గతంలో జరిగిన కాకినాడ పోర్టు అక్రమ బియ్యం తరలింపు విషయంలో కూడా ఇలాగే జరిగింది.అలాగే తిరుపతి లడ్డు వ్యవహారం,మహిళల మీద జరుగుతున్న సంఘటనల పైన, హామీలు ఇచ్చిన వాటిపైన కూడా పవన్ కళ్యాణ్ ఏదో ఒక విషయం పైన ఇలా స్పందిస్తూనే ఉన్నారు. కానీ వ్యవస్థను గాడిలో పెట్టేందుకు అవసరమైన నిర్ణయాలు తీసుకోవాలి కానీ ఇలా అరుస్తే ఎలా అంటూ చాలామంది నేతలు కార్యకర్తలు కూడా ప్రశ్నిస్తున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి