పద్మారావు గౌడ్ గుండెపోటుకు గురయ్యారనే వార్తతో ఆయన అభిమానులు, బీఆర్ఎస్ పార్టీ కార్యకర్తలు, నియోజకవర్గ ప్రజలు ఆందోళన చెందారు. అయితే, అతను కోలుకుంటున్నారని తెలియడంతో అందరూ ఊపిరి పీల్చుకున్నారు. సకాలంలో వైద్యం అందించిన వైద్యులకు, తమకు అండగా నిలిచిన వారందరికీ పద్మారావు గౌడ్ కుటుంబ సభ్యులు కృతజ్ఞతలు తెలిపారు.
పద్మారావు గౌడ్ త్వరలోనే హైదరాబాద్‌కు తిరిగి రానున్నారు. ఆయనను నిన్న (జనవరి 21న) హైదరాబాద్ తీసుకురావడానికి ఏర్పాట్లు చేసినట్లు సమాచారం. ఆయన డెహ్రాడూన్‌లో ఉన్నా, బీఆర్ఎస్ కార్యకర్తలు, అభిమానులు పెద్ద సంఖ్యలో హైదరాబాద్‌లోని ఆయన నివాసానికి చేరుకుని కుటుంబ సభ్యులకు తమ మద్దతు తెలిపారు.
పద్మారావు గౌడ్ బీఆర్ఎస్ పార్టీలో సీనియర్ నాయకుడు, సికింద్రాబాద్‌లో మంచి పేరున్న వ్యక్తి. పేద ప్రజల కోసం ఆయన చేస్తున్న కృషికి అందరూ ఆయన్ని ఆదర్శంగా తీసుకుంటారు. నియోజకవర్గ ప్రజలతో నిత్యం టచ్‌లో ఉంటూ, వారి సమస్యలను తెలుసుకుని పరిష్కరించడంలో ఆయన ముందుంటారు.
పద్మారావు గౌడ్ సికింద్రాబాద్ ఎమ్మెల్యేగా పలుమార్లు గెలుపొందారు. బీఆర్ఎస్ ప్రభుత్వంలో ఆయన మొదటిసారి మంత్రిగా, రెండోసారి డిప్యూటీ స్పీకర్‌గా పనిచేశారు. పార్టీ నాయకులు, ప్రజలు ఆయనను ఎంతో గౌరవిస్తారు.
ఆయనకు గుండెపోటు వచ్చిందనే వార్తతో ఒక్కసారిగా అందరూ షాక్ అయ్యారు. ఇప్పుడు ఆయన కోలుకుంటున్నారని తెలియడంతో ఆయన అభిమానులు ఆనందంగా ఉన్నారు. ఆయన త్వరగా కోలుకోవాలని అందరూ ఆకాంక్షిస్తున్నారు. ఏదేమైనా ఆయన ఆరోగ్యానికి డోకా లేదు అని డాక్టర్లు ఇచ్చిన భరోసా అందరినీ హ్యాపీ చేసింది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి