అసలు విషయంలోకి వెళితే.. సోషల్ మీడియా వేదికగా పదునైన విమర్శలు, ప్రతి విమర్శలు సర్వసాధారణం. అధికారంలో ఉన్న బీఆర్ఎస్ తమ పాలన గొప్పతనాన్ని చాటుకోవడానికి, ప్రతిపక్ష కాంగ్రెస్ తమ వైఫల్యాలను ఎత్తి చూపడానికి సోషల్ మీడియాను ఆయుధంగా వాడుకుంటున్నాయి. ఈ క్రమంలో కాంగ్రెస్ పార్టీ వ్యూహాత్మకంగా ఒక ప్రశ్నను సంధించింది. "ఫామ్ హౌస్ పాలన కావాలా? ప్రజల వద్దకు పాలన కావాలా?" అంటూ ప్రజలను ప్రశ్నించింది. కేసీఆర్ ఫామ్ హౌస్‌కే పరిమితమయ్యారని, ప్రజలకు అందుబాటులో ఉండటం లేదని విమర్శించడం కాంగ్రెస్ లక్ష్యం.
అయితే ఇక్కడే అసలు ట్విస్ట్ జరిగింది. కాంగ్రెస్ వేసిన ప్రశ్నకు బీఆర్ఎస్ అనుకూల సోషల్ మీడియా ఒక్కసారిగా కౌంటర్ ఎటాక్ మొదలుపెట్టింది. బీఆర్ఎస్ శ్రేణులు ఒక్కతాటిపైకి వచ్చి, పోలింగ్‌లో పాల్గొనడంతో ఫలితం తారుమారైంది. ఎవరూ ఊహించని విధంగా "ఫామ్ హౌస్ పాలన" వైపే ప్రజలు మొగ్గు చూపారు. పోలింగ్ శాతం 70%, 80% దాకా వెళ్ళింది. ప్రజలు ఫామ్ హౌస్ పాలననే కోరుకుంటున్నారా అనేంతలా సీన్ మారిపోయింది.
ఈ అనూహ్య స్పందనతో కాంగ్రెస్ ఒక్కసారిగా బిత్తరపోయింది. తమ వ్యూహం బెడిసి కొట్టడంతో వెంటనే పోలింగ్‌ను నిలిపివేయాల్సి వచ్చింది. ఆ తర్వాత ఒక న్యూస్ ఛానెల్‌లో ఇదే అంశంపై పోల్ పెట్టినా దాదాపు ఇలాంటి ఫలితాలే వచ్చాయి. దీంతో కాంగ్రెస్ పార్టీ ఇప్పుడు లబోదిబోమంటోంది. అనవసరంగా కెలికి తమ పరువు తామే తీసుకున్నామని కాంగ్రెస్ నేతలు తలలు పట్టుకుంటున్నారట. మొత్తానికి కాంగ్రెస్ వేసిన ఈ సెల్ఫ్ గోల్ ఇప్పుడు సోషల్ మీడియాలో హాట్ టాపిక్‌గా మారింది. కొందరైతే ఈ ఫలితాలను చూసి నవ్వుకుంటున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి