నిజానికి ఎగ్జిట్ పోల్స్ అన్నీ కాంగ్రెస్ మళ్లీ ఓడిపోతుందని చెప్పాయి. అంతేకాదు, బీజేపీకి ఆప్‌పై పైచేయి ఉంటుందని కూడా జోస్యం చెప్పాయి. కానీ ఇప్పుడు వస్తున్న ట్రెండ్స్ చూస్తే ఎవరు గెలుస్తారనేది ఇప్పుడే చెప్పే పరిస్థితి లేదు. బీజేపీ, ఆప్ మధ్య హోరాహోరీ పోరు నడుస్తోంది. కాంగ్రెస్ పార్టీ ఢిల్లీ అసెంబ్లీలో చివరిసారిగా గెలిచింది 2013 ఎన్నికల్లో అని చెప్పుకోవచ్చు. అప్పుడు ఏకంగా ఎనిమిది సీట్లు కొట్టేసింది. 2013 ఎన్నికల్లో లెక్కలు చూస్తే.. కాంగ్రెస్‌కు 24.55% ఓట్లు వచ్చాయి.
బీజేపీకి 33.07% ఓట్లు పడ్డాయి. ఆప్ మాత్రం 29.49% ఓట్లతో సంచలనం సృష్టించింది. 2013లో బీజేపీనే ఎక్కువ సీట్లు (31) గెలుచుకున్నా, ప్రభుత్వాన్ని ఏర్పాటు చేయడానికి కావాల్సిన మ్యాజిక్ ఫిగర్ (36) అందుకోలేకపోయింది. అరవింద్ కేజ్రీవాల్ నేతృత్వంలోని ఆప్ 28 సీట్లు గెలిచి అందరినీ షాక్‌కు గురి చేసింది. ఆ తర్వాత కాంగ్రెస్ మద్దతుతో ప్రభుత్వం ఏర్పాటు చేసినా అది ఎక్కువ రోజులు నిలబడలేదు. కేవలం 49 రోజులకే కేజ్రీవాల్ రాజీనామా చేశారు.
ఆప్ పార్టీ 2015 నుంచి ఢిల్లీని ఏలుతోంది. ఇప్పుడు వరుసగా నాలుగోసారి గెలిచి రికార్డు కొట్టాలని చూస్తోంది. మరోవైపు బీజేపీ 1998 తర్వాత మళ్లీ పవర్ లోకి రావాలని తెగ ప్రయత్నిస్తోంది.
తాజా ట్రెండ్స్ ప్రకారం చూస్తే.. ఆప్ 21 స్థానాల్లో లీడింగ్‌లో ఉంది. బీజేపీ కూడా 21 స్థానాల్లో ముందంజలో ఉంది. ఒకవేళ ఆప్ ఈసారి గెలిస్తే, ఢిల్లీని నాలుగుసార్లు వరుసగా పాలించిన తొలి పార్టీగా చరిత్ర సృష్టిస్తుంది. ఇంతకుముందు కాంగ్రెస్ పార్టీ 15 ఏళ్లు పాలించిన రికార్డును బ్రేక్ చేస్తుంది.
మరి కాంగ్రెస్ పార్టీ మళ్లీ ఢిల్లీ అసెంబ్లీలో అడుగుపెడుతుందా? లేక ఆప్, బీజేపీ మధ్య ఆధిపత్య పోరు కొనసాగుతుందా? అనేది ఫైనల్ రిజల్ట్స్ వచ్చాకే తెలుస్తుంది. అప్పటివరకు వెయిట్ అండ్ సీ.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి