"ఒప్పందం మొదటి దశకు సంబంధించి మా ఆశయాల స్థాయిని నిర్ణయించడానికి మాకు కొన్ని వారాల సమయం కావాలి. ఒప్పందం స్వభావాన్ని కూడా మనం నిర్వచించాలి. రెండు దేశాలు చర్చించి కీలక వివరాలను ఖరారు చేయాల్సి ఉంటుంది," అని వాణిజ్య శాఖ అదనపు కార్యదర్శి రాజేష్ అగర్వాల్ తెలిపారు. అంటే చర్చలు ఇంకా తొలి దశలోనే ఉన్నాయని చెప్పొచ్చు.
అయితే లాస్ట్ వీక్ ప్రధాని నరేంద్ర మోదీ, అమెరికా అధ్యక్షుడు డొనాల్డ్ ట్రంప్ మాత్రం ఒక రేంజ్ టార్గెట్ పెట్టుకున్నారు. ఏకంగా ద్వైపాక్షిక వాణిజ్యాన్ని 2030 నాటికి 500 బిలియన్ డాలర్లకు పైగా పెంచాలని లక్ష్యంగా పెట్టుకున్నారు. అంతేకాదు, రెండు దేశాలకు న్యాయంగా, ప్రయోజనకరంగా ఉండే వాణిజ్య ఒప్పందం కోసం కృషి చేయడానికి అంగీకరించారు. కానీ ఇక్కడ గమనించాల్సిన విషయం ఏంటంటే.. ఇది స్వేచ్ఛా వాణిజ్య ఒప్పందం (FTA) కాదండోయ్! అధికారులు క్లారిటీ ఇచ్చేశారు.
సాధారణంగా FTAలో దేశాలు 90-95% వస్తువులపై దిగుమతి సుంకాలను తగ్గిస్తాయి లేదా పూర్తిగా తొలగిస్తాయి. సేవలు, పెట్టుబడులకు కూడా బెనిఫిట్స్ ఉంటాయి. కానీ ప్రస్తుతానికి ఇండియా, యూఎస్ మధ్య కుదిరే ఈ తొలి వాణిజ్య ఒప్పందం మాత్రం వస్తువులపై దిగుమతి సుంకాలను తగ్గించడంపైనే ప్రధానంగా ఫోకస్ పెట్టేలా ఉంది. ట్రంప్ గారి మెయిన్ టెన్షన్ ఏంటంటే.. అమెరికా వాణిజ్య లోటును తగ్గించడం, కంపెనీలను అమెరికాలో పెట్టుబడులు పెట్టేలా ప్రోత్సహించి ఉద్యోగాలు క్రియేట్ చేయడం!
ట్రంప్ మొదటిసారి అధ్యక్షుడిగా ఉన్నప్పుడే ఒక చిన్నపాటి వాణిజ్య ఒప్పందం గురించి డిస్కషన్ జరిగింది కానీ అది వర్కౌట్ కాలేదు. ఇప్పుడు అధికారులు ఏం చెబుతున్నారంటే.. భారత్ మాత్రం అమెరికా నుంచి చమురు, గ్యాస్, రక్షణ ఉత్పత్తులను ఎక్కువగా దిగుమతి చేసుకోవడానికి సిద్ధంగా ఉంది. మరి ఇండియాకి ఏం కావాలంటే.. వస్త్రాలు, తోలు ఉత్పత్తులు వంటి శ్రమ ఆధారిత ఉత్పత్తుల ఎగుమతులను పెంచుకోవాలని చూస్తోంది. వ్యవసాయ ఉత్పత్తులు కూడా డిస్కషన్స్‌లో ఉండబోతున్నాయి. చూస్తుంటే ఈసారి మాత్రం డీల్ గట్టిగానే ఉండబోయేలా ఉంది.
అసలు ఈ లావాదేవీలన్నీ ఎప్పుడు స్టార్ట్ అవుతాయి అనుకుంటున్నారా, హోవార్డ్ లుట్నిక్ అమెరికా వాణిజ్య కార్యదర్శిగా కన్ఫర్మ్ అయ్యాక ఫార్మల్ ట్రేడ్ నెగోషియేషన్స్ మొదలవుతాయి. వాణిజ్య ఒప్పందం గురించిన ప్రకటన ట్రంప్ కొత్త పరస్పర సుంకాల పాలసీని ప్రవేశపెట్టిన కొన్ని గంటల తర్వాతే రావడం విశేషం. ఈ పాలసీ ప్రకారం అమెరికన్ ఉత్పత్తులపై ఎక్కువ సుంకాలు విధించే దేశాల నుంచి వచ్చే వస్తువులపై దిగుమతి సుంకాలు పెంచాలనేది ట్రంప్ ప్లాన్. అంటే ఎవరికి వారు గట్టిగా ఉండాలి.
ఈ పాలసీకి సపోర్ట్ చేస్తూ ఒక బిల్లును యూఎస్ కాంగ్రెస్‌లో ప్రవేశపెట్టారు. ప్రస్తుతం ఒక సెలెక్ట్ కమిటీ దీనిని రివ్యూ చేస్తోంది. ఒకవేళ ఇండియా ఈ విషయంలో ప్రపంచ వాణిజ్య సంస్థ (WTO) వద్ద సవాలు చేస్తుందా అని అడిగితే.. ఒక అధికారి మాత్రం సింపుల్‌గా "చూద్దాం అప్పుడు" అని సమాధానం ఇచ్చారు. ముందు ఏం జరుగుతుందో చూద్దాం అనే ధోరణిలో ఉన్నారని దీన్ని బట్టి అర్థమవుతోంది.
ఏదేమైనా భారత్, అమెరికా ఇప్పుడు మాత్రం ఒక పద్ధతి ప్రకారం వాణిజ్య ఒప్పందం దిశగా అడుగులు వేస్తున్నాయి. సుంకాలు తగ్గించడం, వాణిజ్యాన్ని పెంచడంపై ఫోకస్ పెట్టడం వల్ల లాంగ్ రన్‌లో రెండు దేశాల ఆర్థిక వ్యవస్థలకు బెనిఫిట్ ఉంటుందని భావిస్తున్నారు. చూడాలి మరి ఏం జరుగుతుందో.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి