జెలెన్స్కీని "ఓ మోస్తరు కామెడీ చేసే వ్యక్తి" అంటూ ట్రంప్ ఎద్దేవా చేశారు. అంతేకాదు, అమెరికాకు అస్సలు అవసరం లేని యుద్ధంలోకి లాగింది జెలెన్స్కీనే అని నిప్పులు చెరిగారు. "గెలవలేని యుద్ధం కోసం అమెరికాను ఒప్పించి 350 బిలియన్ డాలర్లు ఖర్చు చేయించారు" అని ఫైర్ అయ్యారు. అమెరికా సపోర్ట్ లేకపోతే రష్యాతో యుద్ధాన్ని జెలెన్స్కీ ఆపలేరని కూడా తేల్చి చెప్పారు.
కీవ్‌లో జరిగిన ప్రెస్ మీట్‌లో జెలెన్స్కీ మాట్లాడుతూ.. రష్యా అధ్యక్షుడు పుతిన్‌ను ఒంటరితనం నుంచి బయటకు తీసుకొచ్చేందుకు అమెరికా సాయం చేస్తుందని విమర్శించారు. తన రేటింగ్ 4 శాతానికి పడిపోయిందన్న ట్రంప్ మాటలను కూడా కొట్టిపారేశారు. "ఉక్రెయిన్ వల్లే యుద్ధం మొదలైంది అని ట్రంప్ అంటున్నారు.. కానీ ఆయన తప్పుడు సమాచార బుడగలో బతుకుతున్నారు" అంటూ జెలెన్స్కీ కౌంటర్ ఇచ్చారు.
దీంతో మరింత రెచ్చిపోయిన ట్రంప్.. ఉక్రెయిన్ వల్లే అమెరికా ఈ యుద్ధంలోకి దిగిందని మళ్లీ ఆరోపించారు. యూరప్ కన్నా అమెరికానే 200 బిలియన్ డాలర్లు ఎక్కువ ఖర్చు చేసిందని మండిపడ్డారు. ఈ యుద్ధం యూరప్‌కు ముఖ్యం కానీ అమెరికాకు కాదని, అయినా యూరప్ దేశాలు ఎందుకు సరిగ్గా డబ్బులు ఇవ్వట్లేదని బైడెన్‌ను నిలదీశారు. "మాకు పెద్ద సముద్రం ఉందిగా" అంటూ అమెరికాకు ఈ యుద్ధం పెద్దగా ముప్పు కాదని ట్రంప్ చెప్పుకొచ్చారు.
ఇంకా ఆగకుండా జెలెన్స్కీ ఎన్నికలు ఎందుకు పెట్టడం లేదని ప్రశ్నించారు. "ఎన్నికలు లేని నియంత" అంటూ జెలెన్స్కీని ఏకిపారేశారు. ఉక్రెయిన్ త్వరలోనే కుప్పకూలిపోతుందని జోస్యం చెప్పారు. తన హయాంలో రష్యాతో శాంతి చర్చలు జరిగాయని, తానే యుద్ధాన్ని ఆపగలనని అన్నారు. బైడెన్, యూరప్ దేశాలే శాంతిని తీసుకురావడంలో ఫెయిల్ అయ్యారని విమర్శించారు.
చివరికి జెలెన్స్కీ డబ్బు కోసమే యుద్ధాన్ని కొనసాగించాలని చూస్తున్నారని ట్రంప్ ఆరోపించారు. ఉక్రెయిన్ నాశనం అయిపోయిందని, లక్షల మంది చనిపోయారని ఆవేదన వ్యక్తం చేశారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి