గతంలో ఎన్నడూ లేని విధంగా కమ్మ, కాపు సామాజిక వర్గాలు ఏకం కావడం వెనుక అసలు మర్మం ఏంటి, చంద్రబాబు, పవన్ కళ్యాణ్ ద్వయం వ్యూహాత్మక ఎత్తుగడలు జగన్‌కు రాజకీయంగా చెక్ పెట్టాయా, ఒకప్పుడు ఈ రెండు సామాజిక వర్గాల మధ్య విభేదాలే రాజకీయ పార్టీలకు వరంగా మారాయి. కానీ ఇప్పుడు పరిస్థితి పూర్తిగా మారిపోయింది.
పవన్ కళ్యాణ్ తన రాజకీయ భవిష్యత్తును పణంగా పెట్టి, చంద్రబాబుతో చేతులు కలపడం వెనుక అసలు కారణం ఏంటో సస్పెన్స్ గా మారింది. ఇద్దరు నేతలు కలిసి వేసిన మాస్టర్ ప్లాన్ ఫలితంగానే జగన్ పార్టీ ఘోర పరాజయం పాలైంది. కేవలం 11 సీట్లకు వైసీపీ పరిమితం కావడానికి కారణమైన ఆ 'డెడ్లీ కాంబినేషన్' వెనుక ఉన్న అసలు కథ బయటకు రాలేదు.
ఇప్పుడు అందరి దృష్టి జగన్ భవిష్యత్తుపైనే. చంద్రబాబు, పవన్ కళ్యాణ్.. జగన్ రాజకీయ జీవితం ముగిసే వరకు కలిసి ఉంటామని శపథం చేశారా, సీట్ల సర్దుబాటులో మరింత త్యాగం చేయడానికి కూడా సిద్ధంగా ఉన్నారా, జగన్‌ను రాజకీయంగా దెబ్బతీయడమే లక్ష్యంగా ఈ ఇద్దరు నేతలు ముందుకు సాగుతున్నారా అనే ప్రశ్నలు రాజకీయ విశ్లేషకుల మెదళ్లలో వ్యక్తం అవుతున్నాయి.
కమ్మ సామాజిక వర్గం చంద్రబాబును పూర్తిగా విశ్వసిస్తుందా, కాపు సామాజిక వర్గం, ఇతర వర్గాలు పవన్ కళ్యాణ్ వెనుక నిలబడతాయా అంటే అవుననే సమాధానాలు వినిపిస్తున్నాయి. ఇతర ఓసీ వర్గాల మద్దతు బీజేపీకి కచ్చితంగా లభిస్తుంది, ఈ ముగ్గురి కలయిక జగన్ రాజకీయ భవిష్యత్తుకు పెను సవాలుగా మారుతుందని చాలామంది అంటున్నారు.
రానున్న రోజుల్లో జగన్ ఈ రాజకీయ సంక్షోభాన్ని ఎలా అధిగమిస్తారో చూడాలి. ఏపీ రాజకీయాలు మాత్రం ఆసక్తికరమైన మలుపు తిరిగాయి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి