విజనరీ పాలన అంటూ గొప్పలు చెప్పుకునే ఈ ప్రభుత్వ హయాంలో ఇలా జరగడం విశేషం. ప్రజల సొమ్ముతో కూడిన బడ్జెట్‌ను ప్రజలకు తెలియకుండానే ఎలా ప్రవేశపెడతారు అని చాలా మంది ఏకీపారేస్తున్నారు.
నిజానికి ఏం జరిగిందంటే, బడ్జెట్ ప్రసంగాన్ని వీడియో లైవ్ పెట్టారట. కానీ, విచిత్రం ఏమిటంటే ఆ వీడియోలో వాయిస్ మాత్రం మ్యూట్. అంటే మూగ వీడియోను ప్రజలకు చూపించి చేతులు దులుపుకున్నారు. ఇది ప్రజలను అవమానించడం కాదా, ప్రభుత్వం ఇంత బాధ్యతారాహిత్యంగా ఎలా వ్యవహరిస్తుంది? అని ఏపీ ప్రజలు ఫైర్ అవుతున్నారు
కేవలం 10 నిమిషాల పాటు సాగే బడ్జెట్ ప్రసంగాన్ని కూడా ప్రజలకు స్పష్టంగా వినిపించేందుకు ప్రభుత్వం ఎందుకు వెనుకాడుతోంది? ఇది ప్రభుత్వ అసమర్థతను తెలియజేస్తుందా? లేక ప్రజల పట్ల ప్రభుత్వానికి ఉన్న చిన్నచూపునకు నిదర్శనమా? ప్రజలు మాత్రం తీవ్ర ఆగ్రహంతో ఊగిపోతున్నారు. బడ్జెట్ గురించి తెలుసుకోవడం తమ హక్కు అని, ప్రభుత్వం ఇలా వాయిస్ వినిపించకుండా పద్దు ప్రకటించడం అన్యాయమని మండిపడుతున్నారు.
ఇంత పెద్ద బడ్జెట్ ప్రవేశపెడుతున్నప్పుడు, దాని గురించి ప్రజలకు పూర్తిగా తెలియజేయాల్సిన బాధ్యత ప్రభుత్వంపై ఉంది. కానీ, ప్రభుత్వం మాత్రం ప్రజల గొంతు నొక్కే ప్రయత్నం చేస్తోంది. ఇది ప్రజాస్వామ్య వ్యవస్థకే ప్రమాదకరం. ప్రభుత్వం వెంటనే స్పందించి, బడ్జెట్ ప్రసంగాన్ని పూర్తి వివరాలతో ప్రజలకు అందుబాటులో ఉంచాలని డిమాండ్లు వెల్లువెత్తుతున్నాయి.
ఇది కేవలం బడ్జెట్ గురించిన విషయం మాత్రమే కాదు. ప్రభుత్వం పారదర్శకంగా ఉండాలని, ప్రజలకు జవాబుదారీగా వ్యవహరించాలని చెప్పడానికి ఇదొక నిదర్శనం. ప్రభుత్వం తక్షణమే మేల్కొని, ప్రజల అనుమానాలను నివృత్తి చేయాలి. లేకపోతే ప్రజాగ్రహం తట్టుకోవడం కష్టమవుతుంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి