కన్నడ సూపర్ స్టార్ శివ రాజ్‌కుమార్‌ గురించి పరిచయం అనవసరం. ఆయన గురించి తెలియని వారంటూ ఉండరు. శివన్నకి సౌత్ ఇండియా మొత్తం ఫ్యాన్స్ ఉన్నారు. అయితే స్టార్ హీరో శివ రాజ్‌కుమార్ ని అభిమానులు ముద్దుగా శివన్న అని కూడా పిలుస్తారు. ఈయన జైలర్ సినిమాతో మంచి క్రేజ్ ని సొంతం చేసుకున్నాడు. శివన్న కన్నడతో పాటు తెలుగులో కూడా పెద్ద పెద్ద సినిమాల్లో ముఖ్య పాత్రల్లో నటించారు. అయితే సడెన్‌గా శివన్నకి క్యాన్సర్ వచ్చి ఫారెన్ వెళ్లడంతో అభిమనులందరు చాలా టెన్షన్ పడ్డారు. దీనికి తన ఫ్యాన్స్‌కి శివన్న ఓ వీడియోని రిలీజ్ చేసిన విషయం తెలిసిందే.

ఆ వీడియోలో శివ రాజ్‌కుమార్‌ మాట్లాడుతూ.. తాను పూర్తిగా కోలుకున్నట్లు తెలిపారు. తనకి కిడ్నీ మార్పిడి ఆపరేషన్ జరిగిందంటూ వార్తలు వస్తున్నాయని.. అది నిజం కాదని అన్నారు. యూరినరీ బ్లాడర్‌కి సంబంధించిన చిన్న సర్జరీ జరిగిందని చెప్పారు. ఈ విషయంలో ఎవరు కన్ఫ్యూజ్ అవ్వొద్దు. కొన్ని రోజులు విశ్రాంతి తీసుకుని మార్చి నుంచి షూటింగులకి హాజరు కావచ్చని డాక్టర్లు చెప్పారని అన్నారు. త్వరలో జోష్‌తో తాను మళ్ళీ సినిమాలు చేస్తానని స్పష్టం చేశారు.‌ అప్పుడు మళ్లీ ఆయన డ్యాన్సులు, ఫైట్లు చూసి అందరూ ఆశ్చర్యపోతారని తెలిపారు.
 
చెప్పినట్లుగానే ఆయన ఇప్పుడు క్యాన్సర్ నుండి కొలుకున్నారు. అలాగే ఏడాది పూర్తవ్వకుండానే సినిమాలలో నటించడానికి కూడా సిద్ధం అయ్యారు. ఇంత తొందరగా కొలుకున్న శివ రాజ్ కుమార్ ఇటీవల ఓ మీడియా సంస్థకి ఇంటర్వ్యూ ఇచ్చారు. ఆ ఇంటర్వ్యూలో ఆయన క్యాన్సర్ జర్నీ గురించి అందరికీ తెలిసేలా చేయడానికి ఓ డాక్యుమెంటరీ తీసుకురాబోతున్నట్లు శివ రాజ్ కుమార్ తెలిపారు.దానివల్ల క్యాన్సర్ తో పోరాడుతున్న వారికి, అలాగే క్యాన్సర్ అంటే బయపడే వారికి కాస్త దైర్యంగా ఉంటుందని అన్నారు. అలాగే చాలా మందికి క్యాన్సర్ గురించి తెలియదని.. దాని గురించి మంచి అవగాహన కూడా వస్తుందని ఆయన చెప్పుకొచ్చారు.  
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

shiva rajkumar

MADDIBOINA AJAY KUMAR

06/03/2025 08:58 PM