జనసేన తరఫున ఇప్పటికీ ఆ పార్టీ అధినేత డిప్యూటీ సీఎం పవన్ కళ్యాణ్ సోదరుడు నాగబాబు నామినేషన్ వేశారు .. ఇక టిడిపి ఆదివారం ముగ్గురు ఎమ్మెల్సీ అభ్యర్థుల జాబితాను విడుదల చేసింది .. బీద రవిచంద్ర , కావలి గ్రీష్మ , బీటీ నాయుడులకు అవకాశం ఇచ్చిన విషయం తెలిసిందే . అయితే ఏపీ బీజేపీ ఎమ్మెల్సీగా సోము వీర్రాజును ఎంపిక చేయడం ద్వారా చంద్రబాబుకు బిజెపి ఒక విధంగా గట్టి షాక్ ఇచ్చిందని చెప్పాలి .. ఏపీ బీజేపీలో చంద్రబాబును తీవ్రంగా వ్యతిరేకించేది సోము వీర్రాజు మాత్రమే .. 2014 - 19 మధ్య ప్రభుత్వం లో భాగమైనప్పటికీ కూడా చంద్రబాబు పై ఉన్న వ్యతిరేకతను ఎక్కడ దాచుకోలేదని అంటారు ..
అలాగే మరో పక్క చంద్రబాబుకు చెక్ పెట్టేందుకు బిజెపి సోమును ఎంపిక చేసిందా ? అనే అనుమానాలు కూడా ఉన్నాయని రాజకీయ విశ్లేషకులు అంటున్నారు . ఇక ఆంధ్రప్రదేశ్ 5 ఎమ్మెల్సీల్లో రెండు కాపు వర్గానికి తగ్గడం ఇక్కడ మరో విశేషం .. అయితే ఒకటి జనసేన నుంచి రెండోది బిజెపి నుంచి .. సోము వీర్రాజు కాపు సామాజిక వర్గానికి చెందినవారే .. అయితే ఇక్కడ వాస్తవానికి టిడిపి నుంచి వంగవీటి రాధాకు ఎమ్మెల్సీ వస్తుందని అంతా అనుకున్నారు .. అయితే కాపు సామాజిక వర్గానికి చెందిన నాగబాబు ఎమ్మెల్సీ కావటం తో రాధ‌కు ఎలాంటి లాభం లేకుండా పోయింది .. బీజేపీ మాత్రం కాపు నాయకుడిని ఎమ్మెల్సీగా చేయటం కొంత ఊహించని పరిణామం . ఇక మరి బిజెపి వ్యూహం ఏ విధంగా ఉందో అనేది కాలమే సమాధానం చెప్పాలి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి