నెల్లికంటి సత్యం వెనుకబడిన తరగతులకు (బీసీ) చెందినవారు, స్వస్థలం నల్గొండ జిల్లా. ఆయన ఉన్నత విద్యను అభ్యసించారు. పొలిటికల్ సైన్స్‌లో పోస్ట్ గ్రాడ్యుయేషన్ డిగ్రీ పొందారు.
సత్యం 1985 నుండి సీపీఐలో యాక్టివ్ గా ఉన్నారు. 1985 నుంచి 2000 వరకు పార్టీ యువజన విభాగం ఏఐవైఎఫ్‌తో పనిచేశారు. నల్గొండ జిల్లా కార్యదర్శిగా, ఆ తర్వాత అధ్యక్షుడిగా బాధ్యతలు నిర్వర్తించారు. ఈ సమయంలో విద్యార్థి ఉద్యమాల్లో ఆయన కీలక పాత్ర పోషించారు.
2010 నుండి 2016 వరకు మునుగోడు మండల కార్యదర్శిగా పనిచేశారు. ఆ తర్వాత 2020లో సీపీఐ నల్గొండ జిల్లా కార్యదర్శి అయ్యారు. ఆయన బలమైన నాయకత్వంతో పార్టీ కార్యక్రమాలను ఆ ప్రాంతంలో విజయవంతంగా అమలు చేశారు.
2023లో కాంగ్రెస్‌తో పొత్తులో భాగంగా మునుగోడు అసెంబ్లీ స్థానం నుండి సీపీఐ నెల్లికంటి సత్యంను అభ్యర్థిగా ప్రకటించింది. కానీ చివరి నిమిషంలో ఆయన స్థానంలో కూనంనేని సాంబశివరావుకు అవకాశం ఇచ్చారు. దీంతో సత్యం వెనక్కి తగ్గాల్సి వచ్చింది.
అయితే, పార్టీ అధికారంలోకి వస్తే ఎమ్మెల్సీ పదవి ఇస్తామని అప్పుడు నాయకత్వం ఆయనకు హామీ ఇచ్చింది. ఇప్పుడు ఆ అవకాశం రావడంతో సీపీఐ ఆ హామీని నిలబెట్టుకుంది. మొదట్లో సీనియర్ నాయకుడు చాడ వెంకటరెడ్డి పేరును కూడా పరిశీలించారు కానీ ఆయన వదులుకోవడంతో చివరకు నెల్లికంటి సత్యం పేరు ఖరారైంది.
సీపీఐలో ఆయనకున్న లోతైన అనుభవం, నల్గొండలో బలమైన నాయకత్వం కారణంగా ఎమ్మెల్సీగా ఆయన పార్టీకి ఎంతో ఉపయోగపడతారని భావిస్తున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి