రీసెంట్ గా అనిల్ దర్శకత్వం వహించిన సంక్రాంతికి వస్తున్నాం సినిమా మంచి విజయాన్ని అందుకోవడంతో ఈ దర్శకుడికి ఎనలేని గుర్తింపు అందింది. ప్రస్తుతం అనిల్ సంక్రాంతికి వస్తున్నాం సినిమా సక్సెస్ ను ఎంజాయ్ చేస్తూనే మరోవైపు తన తదుపరి సినిమా ప్రాజెక్టు గురించి ప్లాన్ చేస్తున్నారు. తన తదుపరి సినిమాను మెగాస్టార్ చిరంజీవితో చేయబోతున్న సంగతి తెలిసిందే. అయితే ఈ సినిమా కథ దాదాపుగా పూర్తయిందట.
త్వరలోనే ఈ సినిమా షూటింగ్ ప్రారంభించే పనిలో అనిల్ ఉన్నట్లుగా సినీ ఇండస్ట్రీలో జోరుగా ప్రచారాలు సాగుతున్నాయి. అయితే ఈ సినిమాలో హీరోయిన్ ను వెతికే పనిలో అనిల్ ఉన్నట్లు తెలుస్తోంది. ఈ సినిమాలో హీరోయిన్ గురించి రోజుకో వార్త వస్తూనే ఉంది. ఈ క్రమంలోనే తాజాగా మెగాస్టార్ చిరంజీవి సరసన హీరోయిన్ గా ఇషా చావ్లాను పెట్టి సినిమా తీయాలని అనుకుంటున్నారట. ప్రేమ కావాలి సినిమాతో పరిచయమైన ఈ చిన్నది తన అందంతో పేక్షకులను ఆకట్టుకున్నప్పటికీ సినిమాల పరంగా పెద్దగా సక్సెస్ కాలేకపోయింది.
చాలా కాలం పాటు సినిమాలకు బ్రేక్ ఇచ్చిన ఈ చిన్నది ఇప్పుడు అనిల్ రావిపూడి - చిరంజీవి కాంబినేషన్లో రాబోయే సినిమాతో రీఎంట్రీ ఇవ్వబోతున్నట్లుగా వార్తలు వస్తున్నాయి. అంతేకాకుండా ఈ సినిమాలో ఈషా చావ్లాతో పాటు మరో ఇద్దరు హీరోయిన్లను కూడా ఎంపిక చేశారట. ఆ హీరోయిన్ల పేర్లు బయటికి రానప్పటికీ ఈ సినిమాలో మాత్రం ముగ్గురు హీరోయిన్లు ఉన్నట్లుగా సమాచారం అందుతోంది. ఈ విషయం పైన మరింత సమాచారం తెలియాల్సి ఉంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి