తొలుత హుందాగా విమర్శలు చేసే బీఆర్ఎస్ సోషల్ మీడియా, ఇటీవల హద్దులు దాటుతోందనే వాదనలు వినిపిస్తున్నాయి. వ్యక్తిగత దూషణలకు దిగకుండా, ఘాటైన పదజాలంతో ప్రత్యర్థులపై విరుచుకుపడే బీఆర్ఎస్ శైలి క్రమంగా మారుతోందని రాజకీయ విశ్లేషకులు అభిప్రాయపడుతున్నారు. మరోవైపు బీఆర్ఎస్ సోషల్ మీడియా కార్యకలాపాలను మంత్రి కేటీఆర్ ప్రోత్సహిస్తున్నారని భావిస్తున్న కాంగ్రెస్ వర్గాలు, ఆయనను కట్టడి చేసేందుకు గతంలో వ్యూహాత్మకంగా వ్యవహరించాయని తెలుస్తోంది.
కొంతమంది యూట్యూబర్లను, డిజిటల్ మీడియా సంస్థలను రేవంత్ రెడ్డి ప్రోత్సహించారని, వారికి అనుకూలంగా వ్యవహరించారని ఆరోపణలు ఉన్నాయి. అయితే ఇప్పుడు పరిస్థితులు పూర్తిగా మారాయి. రేవంత్ రెడ్డి ప్రోత్సహించిన వారే, ఇప్పుడు ఆయనను, ఆయన కుటుంబాన్ని లక్ష్యంగా చేసుకుని విమర్శలు గుప్పిస్తుండటం గమనార్హం. దీంతో తీవ్ర ఆగ్రహానికి గురైన రేవంత్ రెడ్డి, అసెంబ్లీ సాక్షిగా వారి సంగతి చూస్తానని హెచ్చరించడం రాజకీయ వేడిని మరింత పెంచింది.
ఇదిలా ఉండగా, సోషల్ మీడియా నియంత్రణపై సీతక్క వంటి సీనియర్ నేతలు చేసిన వ్యాఖ్యలు చర్చనీయాంశమయ్యాయి. సోషల్ మీడియా స్వేచ్ఛను పరిమితం చేయాలా? లేక దుష్ప్రచారాలను అరికట్టే మార్గాలను అన్వేషించాలా? అనే ప్రశ్నలు తెరపైకి వస్తున్నాయి. మొత్తానికి తెలంగాణ రాజకీయాల్లో సోషల్ మీడియా రచ్చకెక్కింది. ఈ సైబర్ యుద్ధం ఎటువైపు దారితీస్తుందో వేచి చూడాలి.
ఇక ఆంధ్రప్రదేశ్ లో కూడా సోషల్ మీడియా విమర్శలు తారా స్థాయికి చేరుకుంటున్నాయి ఒకరిపై ఒకరు విచక్షణారహితంగా విమర్శలు చేసుకుంటున్నారు. ఇతర రాజకీయ నాయకులు నొచ్చుకునేలా కొంతమంది పార్టీ నేతలు ప్రవర్తిస్తున్నారు. వారి కార్యకర్తలు కూడా అదే రేంజ్ లో రెచ్చిపోతున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి