ఇళ్ల పట్టాల పంపిణీ తొలి అడుగు మాత్రమేనన్న మంత్రి నారా లోకేష్.. దేశంలోనే అన్ని రంగాల్లో మంగళగిరిని నెం.1 తీర్చిదిద్దుతామని స్పష్టం చేశారు. పార్క్ లు, చెరువులు అభివృద్ధి చేయడంతో పాటు కల్యాణ మండపాల నిర్మాణం, భూగర్భ డ్రైనేజీ, భూగర్భ వాటర్, భూగర్భ కరెంట్, భూగర్భ గ్యాస్ అందించేందుకు ప్రణాళికలు రూపొందించారు. త్వరలోనే పనులు ప్రారంభించనున్నారు. మంగళగిరి ప్రజల దశాబ్దాల కల అయిన వంద పడకల ఆసుపత్రికి ఈ నెల 13న శంకుస్థాపన చేసి ఏడాదిలో పూర్తిచేయనున్నారు. ప్రతిపక్షంలో ఉన్నప్పుడే మంగళగిరి ప్రజల కోసం 26 సంక్షేమ కార్యక్రమాలను చేపట్టి ప్రజల మనస్సు గెలుచుకున్నారు.
ఈ నేపథ్యంలో మంగళగిరి ఎస్ఎల్ఎన్ కాలనీలో అభివృద్ధి చేసిన శ్రీలక్ష్మీ నరసింహస్వామి పార్క్ బుధవారం సాయంత్రం 5 గంటలకు మంత్రి నారా లోకేష్ లాంఛనంగా ప్రారంభించనున్నారు. 0.35 ఎకరాల్లో విస్తరించి ఉన్న ఈ పార్క్ ను రూ.1.06 కోట్లతో అభివృద్ధి చేశారు. దీంతో పాటు మంగళగిరి నియోజకవర్గంలో దాదాపు 30కి పైగా పార్క్ లు, పలు చెరువులను దశలవారీగా అభివృద్ధి చేయనున్నారు. మంగళగిరిలోని టిడ్కో పార్క్ ను రూ.9 కోట్ల వ్యయంతో అభివృద్ధి చేయనున్నారు. ఇందుకు సంబంధించి ఈ నెలలోనే పనులు ప్రారంభం కానున్నాయి. నులకపేట, చినకాకానిలో లేక్ పార్క్ లను అభివృద్ధి చేయనున్నారు. మంగళగిరిని అభివృద్ధికి చిరునామాగా మార్చేందుకు మంత్రి లోకేష్ చిత్తశుద్ధితో కృషిచేస్తున్నారు. ఎన్నికల ముందు ఇచ్చిన హామీలను క్రమపద్ధతిలో నెరవేరుస్తున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి