కొన్ని మార్కెట్ కమిటీ చైర్మన్ పదవులతో పాటు కొన్ని ప్రముఖ ఆలయాల బోర్డులు భర్తీ చేయటం మినహా ఇంకా చాలా నామినేటెడ్ పదవులు ఖాళీగా ఉన్నాయి . ఇదిలా ఉంటే మండల స్థాయిలో కీలకమైన ప్రాథమిక వ్యవసాయ సహకార పరపతి సంఘాలబోర్డులను కూడా చంద్రబాబు ఇప్పటి వరకు భర్తీ చేయలేదు .. వాస్తవానికి ప్రాథమిక వ్యవసాయ సహకార పరపతి సంఘాలకు చివరిసారిగా 2013లో ఎన్నికలు జరిగాయి . రాష్ట్రం ఏర్పడ్డాక తెలంగాణలో సొసైటీలకు ఎన్నికలు జరిగినా ఆంధ్రప్రదేశ్లో ఎన్నికలు జరగలేదు. చంద్రబాబు ప్రభుత్వం తొలి ఐదేళ్లు నామినేటెడ్ బోర్డులతో కాలం గడిపేసింది. ఆ తర్వాత వైసిపి ప్రభుత్వం ఏర్పడ్డాక ఐదేళ్లు కూడా నామినేటెడ్ బోర్డ్లతో కాలం గడిపేసింది. ఇక ఇప్పుడు చంద్రబాబు ఆధ్వర్యంలో కూటమి ప్రభుత్వం కూడా నామినేటెడ్ బోర్డులను వేస్తుందని అందరూ అనుకున్నారు .
అయితే ఇప్పుడు చంద్రబాబు ఈ విషయం పై పునరా ఆలోచన చేసినట్టు తెలుస్తోంది. సొసైటీ పాలకవర్గాలను నామినేటెడ్ పదవులతో భర్తీ చేయటం కన్నా ఎన్నికలు జరపాలన్న నిర్ణయానికి వచ్చినట్టు తెలుస్తోంది. ఎన్నికలు జరిపి ఎన్నికల్లో విజయం సాధించిన బోర్డర్ తోనే సొసైటీలను నడిపించాలని చంద్రబాబు దాదాపు నిర్ణయం తీసుకున్నారని ఈ మేరకు ప్రాథమిక వ్యవసాయ సహకార పరపతి సంఘాల ఎన్నికలకు గ్రీన్ సిగ్నల్ ఇచ్చారని తెలుస్తోంది. ఏది ఏమైనా ఏపీలో సొసైటీ ఎన్నికలు జరిగితే గ్రామస్థాయిలో రాజకీయం మామూలుగా ఉండదని చెప్పాలి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి