విషయంలోకి వెళ్తే.. ఆదోని మున్సిపాలిటీలో వైసీపీకి చెందిన ఒక కౌన్సిలర్ హఠాత్తుగా బీజేపీ గూటికి చేరారు. అంతేకాదు, చైర్ పర్సన్ పదవి కూడా బీజేపీ ఖాతాలోకే వెళ్లిపోయింది. స్థానికంగా వైసీపీ బలంగా ఉన్నా, కీలకమైన పదవిని కోల్పోవడం ఆ పార్టీకి మింగుడుపడడం లేదు. వెంటనే అవిశ్వాస తీర్మానం అస్త్రాన్ని సిద్ధం చేసింది వైసీపీ.
రాష్ట్రంలో బీజేపీ గొంతు బలంగా వినిపిస్తున్న నాయకుల్లో ఆదోని ఎమ్మెల్యే పార్థసారధి ఒకరు. అలాంటి నియోజకవర్గంలో, బీజేపీకి చెందిన చైర్ పర్సన్‌ను దించడానికి వైసీపీ విశ్వప్రయత్నాలు చేస్తుంటే.. టీడీపీ మాత్రం పరోక్షంగా సహకరిస్తోందనే గుసగుసలు వినిపిస్తున్నాయి.
రాష్ట్రమంతా వైసీపీని బలహీనపరచాలని టీడీపీ చూస్తుంటే, ఆదోనిలో మాత్రం బీజేపీకి ఎందుకు సహకరించడం లేదు? అసలు కారణం ఏంటి? స్థానిక టీడీపీ నేతలు సొంత రాజకీయ లెక్కలు వేసుకుంటున్నారా? లేదా బీజేపీ ఎమ్మెల్యే పార్థసారధి తమ మాట వినడం లేదనే అక్కసా? "మేం ఎమ్మెల్యేలం కాకపోయినా మాదే పెత్తనం, ఎమ్మెల్యే అయినా మాదే రాజ్యం" అనే ధోరణి ఆదోని టీడీపీ నేతల్లో ఉందనే వాదనలు వినిపిస్తున్నాయి. పార్థసారధికి తమ సత్తా చూపించాలనే ఉద్దేశంతోనే టీడీపీ నేతలు వైసీపీకి మద్దతు ఇస్తున్నారట.
మొత్తానికి ఆదోనిలో టీడీపీ-బీజేపీ దోస్తీ మాత్రం ప్రమాదంలో పడినట్టే కనిపిస్తోంది. ఇది కేవలం స్థానిక రాజకీయాల ప్రభావమా లేదా రానున్న రోజుల్లో రాష్ట్ర రాజకీయాల్లోనూ మార్పులకు సంకేతమా అనేది తెలియడానికి కొద్ది రోజులు పాటు వేచి చూడాలి. ఏది ఏమైనా ఈ రెండు పార్టీల మధ్య స్నేహం చెబితే చివరికి అసలుకే అసలు వస్తుంది. పవన్ కళ్యాణ్ కన్న కలలు కల్లోలం అవుతాయి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి