ఇంజనీరింగ్ పూర్తి చేసిన శివాని, కరోనా లాక్ డౌన్ సమయంలోనే UPSC వైపు అడుగులు వేశారు. బీటెక్ అయ్యాక జాబ్ లో చేరకుండా, పూర్తిగా సివిల్స్ ప్రిపరేషన్ మీదే దృష్టి పెట్టారు. మొదటిసారి రాసినప్పుడు ప్రిలిమ్స్ కూడా పాస్ అవ్వలేదు. అయినా సరే, మన వరంగల్ అమ్మాయి నిరాశ పడలేదు. కుటుంబం, స్నేహితుల అండతో మళ్లీ కష్టపడి.. ఈసారి ఏకంగా UPSC పరీక్షలోని మూడు దశలనూ విజయవంతంగా పూర్తి చేశారు.
"బీటెక్ తర్వాత ప్రిపరేషన్ మొదలుపెట్టా, కానీ ఫస్ట్ అటెంప్ట్ ఫెయిల్ అయ్యా. ప్రిలిమ్స్ కూడా క్లియర్ చేయలేకపోయా. కానీ, ఒక నిపుణుడి గైడెన్స్, నా వాళ్ల ప్రోత్సాహం నన్ను నడిపించాయి. నేను ఎక్కువగా ఉచిత ఆన్‌లైన్ స్టడీ మెటీరియల్‌నే నమ్ముకున్నా, రెగ్యులర్ కోచింగ్ క్లాసులకు దూరంగా ఉన్నా" అని శివాని మీడియాతో చెప్పారు.
చిన్నప్పటి నుంచి సమాజానికి ఏదైనా చేయాలనే బలమైన కోరిక శివానికి ఉండేదట. ప్రిపరేషన్ టైంలో కష్టమనిపించినా, ఆ కలే తనకు బలాన్నిచ్చిందని అంటోంది. "చిన్నప్పటి నుంచి సమాజానికి ఏదైనా మంచి చేయాలనేదే నా లక్ష్యం. అదే నాకు పట్టుదలనిచ్చింది" అని ఆమె చెప్పుకొచ్చారు.
లక్షలు పోసి కోచింగ్ తీసుకుంటేనే సివిల్స్ కొట్టగలమనేది అపోహేనని శివాని కథ మనకు చెబుతోంది. పట్టుదల, సరైన ప్లానింగ్ ఉంటే ఎవరైనా సక్సెస్ అవ్వొచ్చని ఆమె ప్రూవ్ చేశారు.
ఈ ఏడాది తెలుగు రాష్ట్రాల నుంచి సుమారు 35 మంది సివిల్స్ కు ఎంపికయ్యారు. వారిలో రావుల జయసింహ రెడ్డి 46వ ర్యాంకుతో తెలంగాణ నుంచి రెండో టాపర్‌గా నిలిచారు. ఆయన ఇప్పటికే ఐపీఎస్ అధికారిగా సేవలు అందిస్తుండటం విశేషం.
మొత్తానికి, దేశవ్యాప్తంగా ఎందరో సివిల్స్ ఆశావహులకు శివాని సక్సెస్ స్టోరీ ఒక పవర్ఫుల్ ఎగ్జాంపుల్. సొంతంగా చదువుకుని, పట్టు వదలకుండా ప్రయత్నిస్తే ఎంత పెద్ద విజయమైనా సాధించవచ్చని ఆమె నిరూపించారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి