ఒకరోజు ఆ ఊరి పెద్ద వీరభద్రయ్య పని మనిషి తో సత్య రాజు దురుసుగా మాట్లాడటంతో వీరభద్రయ్య స్వయంగా వచ్చి గంగాధరాన్ని నానా మాటలు అని పోయాడు. ఇక ఊరుకొని లాభం లేదని గంగాధరం సత్యరాజునీ పనిలో నుంచి వెంటనే తీసేసాడు. దిగాలుపడి పోయిన సత్య రాజు రెండు రోజుల తరువాత తిరిగి గంగాధరం దగ్గరకు వచ్చి తనను పనిలోకి తీసుకోమని, ఇక తప్పు చేయని అని బతిమాలడం మొదలు పెట్టాడు. అయితే గంగాధరం అతను చెప్పేది వినిపించుకోకుండా ఏయ్ చెప్తుంటే మనిషివి కాదు.. ఇక్కడి నుంచి వెళ్ళిపో అంటూ అరిచాడు గంగాధరం.
తనను కుక్కను అదిరించినట్లుగా కరుకుగా మాట్లాడటంతో సత్యరాజు మనసు బాగా కలుక్కుమన్నది. అతనీ కళ్ళల్లో నీళ్ళు తిరుగుతుండగా తలదించుకొని వెనక్కి తిరిగాడు. వెంటనే గంగాధరం అతన్ని "ఒరేయ్ ఇలారా!"అంటూ దగ్గరకు పిలిచాడు.సత్య రాజు వెనక్కి వచ్చి యజమాని ఎదురుగా నిలబడ్డాడు. అప్పుడు గంగాధరం "ఇప్పుడు నీకు అర్థం అయిందా? ఒక మనిషితో మరొక మనిషి మర్యాదగా.. గౌరవంగా .. మాట్లాడకుండా కసురుకొంటే ఆ మనిషి ఎంత బాధ పడతాడో అన్నాడు సౌమ్యంగా..నిజంగానే సత్య రాజుకు ఆ బాధ అనుభవంలోకి వచ్చింది. చేతులు జోడిస్తూ ఆ బాధ ఎలా ఉంటుందో తెలిసి వచ్చింది అయ్యా.. అన్నాడు..ఇప్పుడు నేను నిన్ను నమ్మ గలను వెంటనే పనిలోకి చేరు అన్నాడు గంగాధరం శాంతంగా.. ఏదైనా సరే అనుభవిస్తేనే తెలుస్తుంది..
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి