![](https://www.indiaherald.com/cdn-cgi/image/width=750/imagestore/images/sports/libra_libra/player-of-the-month1ad417eb-20f2-4ecb-be71-b9881597fc3a-415x250.jpg)
క్రికెట్ అంటే ప్రాణం. క్రికెట్ అంటే ఊపిరి. క్రికెట్ ను డెవాన్ కాన్వేను వేర్వేరుగా చూడలేము. ఎందుకంటే క్రికెట్ లోకి అడుగుపెట్టేందుకు తాను ఎవరూ చేయని పని చేశాడు. శిక్షణ తీసుకుంటున్న సమయంలోనే తన ఆస్తులను అమ్మేసుకున్నాడు. డెవాన్ కాన్వే.. దక్షిణాఫ్రికాలో జన్మించాడు. చిన్నతనం నుంచే క్రికెట్ పై అమితాసక్తిని పెంచుకున్నఆయన అందులో రాణించేందుకు తెగ కష్టపడ్డాడు.
ఇక 2017 మార్చిలో సొంతగడ్డపై డబుల్ సెంచరీ కొట్టి క్రికెట్ ప్రియుల దృష్టిలో పడ్డాడు. అదే సంవత్సరం ఆగస్టులో దక్షిణాఫ్రికాను వీడి న్యూజిలాండ్ ఫ్లైట్ ఎక్కాడు. వెల్లింగ్టన్ కు మకాం మార్చాడు. అక్కడా తన క్రికెట్ కేరీర్ను విజయవంతంగా కొనసాగించాడు. విక్టోరియా యూనివర్శిటీ క్రికెట్ క్లబ్లో కోచ్ గా.... బ్యాట్స్మెన్గా ఒకేసీరు రెండు విధులు నిర్వర్తించాడు. దుర్భపరిస్థితులను తట్టుకున్నాడు డెవాన్. అంతేకాదు రాటుదేలిన క్రికెటర్లను ఢీ కొట్టి శభాష్ అనిపించుకున్నాడు డెవాన్. జాతీయ స్థాయిలోనే కాదు అంతర్జాతీయ స్థాయిలోనూ తనకంటూ ప్రత్యేకతను సంపాదించుకుంటున్నాడు.