ఇక ఏ బ్యాట్స్ మెన్ కి ఎక్కడ బంతి విసిరితే వికెట్ దక్కుతుంది అన్నది రవిచంద్రన్ అశ్విన్ కి బాగా తెలుసు అంటూ మాజీ ఆటగాళ్లు కూడా ప్రశంసల వర్షం కురిపిస్తూ ఉంటారు. ఇకపోతే ఇటీవల శ్రీలంకతో జరిగిన మొదటి టెస్టు మ్యాచ్లో ఏకంగా 435వ వికెట్ సాధించి అత్యధిక వికెట్లు సాధించిన ఆటగాడిగా రెండవ స్థానంలో కి చేరుకున్నాడు అన్న విషయం తెలిసిందే. మొత్తం లో ఆరు వికెట్లు పడగొట్టి జట్టు విజయంలో తన పాత్ర కీలకంగా మార్చుకున్నాడు. ఇటీవల అరుదైన రికార్డును తన ఖాతాలో వేసుకున్న రవిచంద్రన్ అశ్విన్ గురించి కెప్టెన్ రోహిత్ శర్మ ప్రశంసలు కురిపించాడు.
రవిచంద్రన్ అశ్విన్ ఆల్ టైం గ్రేట్ ప్లేయర్ అంటూ వ్యాఖ్యానించాడు రోహిత్ శర్మ. అతని స్పిన్ బౌలింగ్ ఎంతో వైవిధ్యంగా ఉంటుంది అంటూ చెప్పుకొచ్చాడు. ఇక ఇటీవల ఇదే విషయంపై స్పందించిన రవిచంద్రన్ అశ్విన్ ఆసక్తికర వ్యాఖ్యలు చేసాడు. కెప్టెన్ రోహిత్ వ్యాఖ్యలకు ఏం చెప్పాలో కూడా అర్థం కాలేదు. ఎవరైనా నా పై ప్రశంసలు కురిపిస్తే.. వాటిని సరిగ్గా రిసీవ్ చేసుకోలేను. ఇక కెప్టెన్ రోహిత్ మాటలకూ ఎలా స్పందించాలో నాకు నిజంగా తెలియదు కొన్నిసార్లు నేనే భావోద్వేగానికి లోనయ్యా.. ఏం చెప్పాలో కూడా తెలియక మాటలు కూడా రావు. రోహిత్ శర్మ మీడియా సమావేశంలో నన్ను ఎంతో ప్రశంసించాడు అంటూ చెప్పుకొచ్చాడు రవిచంద్రన్ అశ్విన్.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి