ఐపీఎల్ టోర్నమెంట్ ప్రారంభమైనప్పటి నుంచి అంటే 2008 వ సంవత్సరం నుంచి మహేంద్ర సింగ్ ధోని చైన్నై సూపర్ కింగ్స్ టీంకి కెప్టెన్సీ వహిస్తున్నాడు. మధ్యలో రెండు సంవత్సరాల పాటు చెన్నై పై నిషేదం విధించిన సమయం తప్ప మిగిలిన అన్ని సీజన్లలో కూడా చెన్నై తరుపుననే మన మిస్టర్ కూల్ ధోని ఆడాడు.కెప్టెన్‌గా చెన్నై టీంకి నాలుగు సార్లు టైటిల్‌ను అందించాడు. ఐపీఎల్‌లో అత్యంత విజయవంతమైన టీంలలో చెన్నైని నిలిపిన ఘనత కూడా ధోనిదే. ఈ క్రమంలో చాలా రికార్డులను ధోని సొంతం చేసుకున్నాడు.అయితే ఈరోజు చెపాక్ పిచ్ లో రాజస్థాన్‌తో చెన్నై జట్టు తలపడనుంది. ఈ మ్యాచ్ మిస్టర్ కూల్ ధోనికి చాలా ప్రత్యేకం కానుంది. చెన్నై టీం కెప్టెన్‌గా ధోనికి ఇది ఏకంగా 200వ మ్యాచ్‌. ఇండియన్ ప్రీమియర్ లీగ్ చరిత్రలో ఇప్పటి దాకా ఏ ఆటగాడికి సాధ్యం కాని రికార్డు ఇది. ఇప్పటి దాకా మహేంద్ర సింగ్ ధోని ఐపీఎల్‌లో మొత్తం 213 మ్యాచుల్లో కెప్టెన్ గా వ్యవహరించాడు.


చెన్నైపై నిషేద సమయంలో రైజింగ్ పుణె సూపర్ జెయింట్ జట్టుకు కూడా ధోని కెప్టెన్‌గా బాధ్యతలు వహించాడు.మహేంద్ర సింగ్ ధోని కెప్టెన్సీలో చెన్నై ఇప్పటి దాకా మొత్తం 11 సార్లు ప్లేఆఫ్స్‌కు చేరింది. ఇందులో ఏకంగా 9 సార్లు ఫైనల్‌కు వెళ్లింది. IPL చరిత్రలో మరే జట్టు కూడా ఇన్ని సార్లు ఫైనల్‌కు చేరలేదు. ప్రస్తుత సీజన్‌లో ధోని కెప్టెన్సీలో చెన్నై మూడు మ్యాచ్‌లు ఆడింది.ఇక రెండు మ్యాచుల్లో విజయం సాధించగా ఓ మ్యాచ్‌లో మాత్రం ఓడిపోయింది. ఇప్పుడు పాయింట్ల పట్టికలో చెన్నై ఐదో స్థానంలో ఉంది.ఇన్నింగ్ చివర్లో బ్యాటింగ్ కు వస్తున్న మహేంద్ర సింగ్ ధోని తనదైన స్టైల్ లో చెలరేగుతుండడంతో అభిమానులు ఎంతగానో ఆనందంతో ఉన్నారు. మరోసారి ధోని నుంచి అలాంటి ఇన్నింగ్స్‌నే అభిమానులు ఎక్కువగా ఆశిస్తున్నారు. బౌలింగ్‌లో హంగార్గేకర్, జడేజా, శాంటర్న్‌ ఇంకా తుషార్ దేశ్ పాండేలు రాజస్థాన్ బ్యాటర్లను ఎంత మేరకు కట్టడి చేస్తారు అన్నదానిపైనే చెన్నై విజయావకాశాలు ఇప్పుడు ఆధారపడి ఉన్నాయి.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

DHONI - IPL 2023

Purushottham Vinay

12/04/2023 04:55 PM