కెప్టెన్ మహేంద్ర సింగ్ ధోని తనపై పెట్టుకున్న నమ్మకాన్ని వమ్ము చేయకుండా.. అదరగొడుతున్నాడు ఋతురాజు గైక్వాడ్. ఇకపోతే ఇటీవల కాలంలో ఎంతోమంది మాజీ ఆటగాళ్లు మ్యాచ్ జరుగుతున్న ప్రతిసారి కూడా తమ ప్లేయింగ్ ఎలవెన్ జట్టును లేదా ఆల్ టైం ఎలవెన్ జట్టును ప్రకటించడం సర్వసాధారణంగా మారిపోయింది అన్న విషయం తెలిసిందే. అయితే ప్రస్తుతం చెన్నై సూపర్ కింగ్స్ జట్టు తరఫున ఆడుతున్న ఋతురాజ్ గైక్వాడ్ సైతం ఇలా మాజీ ప్లేయర్ల తరహా లోనే తన ప్లేయింగ్ ఎలవెన్ చెన్నై సూపర్ కింగ్స్ జట్టును ప్రకటించాడు. అయితే ఇలా ప్లేయింగ్ 11 చెన్నై సూపర్ కింగ్స్ జట్టును ప్రకటించిన రుతురాజ్ తన పేరును మాత్రం జట్టులో చేర్చుకోకపోవడం అందరిని ఆశ్చర్యానికి గురిచేస్తుంది.
ఇటీవల సోషల్ మీడియా వేదికగా ఈ విషయాన్ని తెలిపాడు రుతురాజు గైక్వాడ్. తన ఆల్టైం ఫేవరెట్ చెన్నై సూపర్ కింగ్స్ జట్టును ప్రకటించగా.. ఇక మహేంద్రసింగ్ ధోని సారథ్యంలోని 11 మందితో కూడిన జట్టు వివరాలను వెల్లడించాడు. అయితే ఈ జట్టులో రుతురాజు గైక్వాడ్ పేరు మాత్రం లేదు. ఇక ఋతురాజ్ తెలిపిన ఆల్ టైం చెన్నై సూపర్ కింగ్స్ జట్టు వివరాలు చూసుకుంటే.. మైకెల్ హస్సి, డూప్లెసెస్, సురేష్ రైనా, అంబటి రాయుడు, జడేజా, మహేంద్రసింగ్ ధోనీ, బ్రావో, అశ్విన్, తాహిర్, దీపక్ చాహర్, మోహిత్ శర్మపేర్లను ప్రకటించాడు రుతురాజ్ గైక్వాడ్.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి