అనుకున్నట్లుగానే ఇక అద్భుతమైన ప్రదర్శన చేస్తూ విజయవంతమైన ప్రస్థానాన్ని మొదలు పెట్టింది టీం ఇండియా. కానీ భారత జట్టును గాయాల బెడద తీవ్రంగా వేధిస్తుంది. మొన్నటి వరకు కీలక ఆటగాళ్లు గాయం బారినప్పటి జట్టుకు దూరమైతే ఇటీవలే వరల్డ్ కప్ ప్రారంభానికి ముందే భారత కీలక బ్యాట్స్మెన్ గా కొనసాగుతున్న ఓపెనర్ గిల్ డెంగ్యూ బారిన పడ్డాడు అన్న విషయం తెలిసిందే. అతను వరల్డ్ కప్ లో భాగంగా ఆడిన మొదటి రెండు మ్యాచ్ లకు దూరమయ్యాడు. ఇక వైద్యుల పర్యవేక్షణలో కోల్పోయిన అతను ఇటీవల ప్రాక్టీస్ చేశాడు. దీంతో నేడు పాకిస్తాన్ తో జరగబోయే మ్యాచ్ లో అతను అందుబాటులోకి వస్తాడా లేదా అని అందరూ చర్చించుకోవడం మొదలుపెట్టారు.
ఇదే విషయం గురించి భారత కెప్టెన్ రోహిత్ శర్మ స్పందిస్తూ ఆసక్తికర వ్యాఖ్యలు చేశాడు. జరగబోయే మ్యాచ్ కి యంగ్ ప్లేయర్ గిల్ 99 శాతం అందుబాటులో ఉంటాడని రోహిత్ శర్మ చెప్పుకొచ్చాడు గిల్ అనారోగ్యం నుంచి పూర్తిగా కోరుకున్నాడని తెలిపారు. రోహిత్ శర్మ వ్యాఖ్యలతో అటు అభిమానులు అందరూ కూడా ఆనందంలో మునిగిపోయారు అని చెప్పాలి. అయితే ఇటీవల గిల్ డెంగ్యూ బారిన పడి ప్లేట్లెట్స్ తగ్గిపోవడంతో చెన్నైలోని ఒక ఆసుపత్రిలో చికిత్స తీసుకున్నాడు అన్న విషయం తెలిసిందే. కాగా నేడు ఇండియా, పాకిస్తాన్ మధ్య మ్యాచ్ అహ్మదాబాద్ లోని నరేంద్ర మోడీ స్టేడియం వేదికగా జరగబోతుంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి