![](https://www.indiaherald.com/cdn-cgi/image/width=750/imagestore/images/sports/libra_libra/cricket-1c92b43c-3ed1-4a77-bd7c-2399050de062-415x250.jpg)
ఎందుకంటే గత ఏడాది ఇండియా వేదికగా జరిగిన వన్డే వరల్డ్ కప్ టోర్నీలో టైటిల్ విజేతగా నిలవాలి అనే కలను చెల్లాచెదురు చేసేసింది ఆస్ట్రేలియా జట్టు. అప్పటి వరకు వరుస విజయాలు సాధిస్తూ దూసుకొచ్చిన టీమిండియా.. ఫైనల్ లో మాత్రం ఆస్ట్రేలియా చేతిలో చివరికి ఓటమిపాలు అయింది అని చెప్పాలి. దీంతో భారత క్రికెట్ ప్రేక్షకులందరూ కూడా నిరాశలో మునిగిపోయారు.. ఇక అంతకుముందే వరల్డ్ టెస్ట్ ఛాంపియన్షిప్ ఫైనల్ మ్యాచ్లో కూడా టీమ్ ఇండియాను ఓడించి విశ్వవిజేతగా అవతరించింది ఆస్ట్రేలియా జట్టు. ఇలా రెండుసార్లు కూడా ఐసీసీ ఫైనల్స్ లో టీమిండియాను ఓడించింది ఆస్ట్రేలియా.
అయితే ఇక ఇప్పుడు ఆస్ట్రేలియా జట్టుపై ప్రతీకారం తీర్చుకునేందుకు టీమిండియాకు అవకాశం వచ్చింది. మరోసారి భారత్, ఆస్ట్రేలియా మధ్య ఇంకో రసవత్తర పోరుకు సమయం ఆసన్నమైంది. అండర్ 19 వరల్డ్ కప్ లో భాగంగా టైటిల్ ఫేవరెట్ గా బరిలోకి దిగిన ఆస్ట్రేలియా, టీమిండియా జట్ల మధ్య ఆదివారం రోజున ఫైనల్ మ్యాచ్ జరగబోతుంది. అయితే ఏడాది వ్యవధిలోనే సీనియర్ల మధ్య జరిగిన రెండు మెగా టోర్ని ఫైనల్ లో ఆస్ట్రేలియానే పైచేయి సాధించింది. అయితే ఇక ఇప్పుడు అండర్ 19 వరల్డ్ కప్ లో మాత్రం టీం ఇండియా ప్రతీకారం తీర్చుకోవాలని ఎంతగానో ఆశపడుతుంది. మరి ఇప్పుడు వరుసగా మూడోసారి ఆస్ట్రేలియాతో ఫైనల్ లో తడబడుతున్న టీమిండియా ప్రతీకారం తీర్చుకుంటుందో లేదో చూడాలి.