ఒక కుర్ర ఆటగాడికి ఇచ్చిన ప్రాధాన్యత సీనియర్ అయిన తనకు ఇవ్వలేదని ఇది ఎంతో అవమానకరంగా అనిపించింది అంటూ సంశలన ఆరోపణలు చేశాడు హనుమ విహారి. అయితే ఇక ఈ తెలుగు క్రికెటర్ చేసిన కామెంట్స్ కాస్త సంచలనంగా మారిపోయాయి అని చెప్పాలి. అయితే హనుమ విహారి కామెంట్స్ పై స్పందించిన కేఎన్ పృథ్వీరాజ్ అనే వికెట్ కీపర్ షాకింగ్ కామెంట్స్ చేశాడు. మీరు వెతుకుతున్న క్రికెటర్ నేనే. అతడు చెప్పింది అబద్ధం. నాపై అసభ్య పదజాలం వాడింది నిజం. ఆరోజు ఏం జరిగిందో టీం లోని సభ్యులందరికీ తెలుసు అంటూ పృథ్వీరాజ్ అనే యంగ్ క్రికెటర్ కామెంట్ చేశాడు.
నువ్వు ఇలా సింపతి గేమ్స్ ఆడటం తప్ప.. ఇంతకుమించి ఏమీ పీకలేవు మిస్టర్ సో కాల్డ్ ఛాంపియన్ అంటూ ఇక పృథ్వీరాజ్ సోషల్ మీడియాలో పెట్టిన పోస్టులు వైరల్ గా మారిపోయాయి. అయితే పృథ్వీరాజ్ ఏపీలోని అధికార పార్టీకి చెందిన ఒక కార్పొరేటర్ కొడుకు అంటూ ప్రచారం జరుగుతుంది. అయితే ఈ వివాదం గురించి ఇక సదరు రాజకీయ నాయకుడు ఎక్కడ స్పందించకపోవడం గమనార్హం. అయితే ఇక ఆంధ్ర క్రికెట్లో రాజకీయ జోక్యం ఉంది అని ఆరోపణలు వస్తున్న నేపథ్యంలో.. బీసీసీఐ స్పందించి చర్యలు చేపట్టాలి అంటూ పలువురు క్రికెట్ అభిమానులు కోరుతున్నారు. ఏం జరుగుతుందో చూడండి.