అయితే ఇలా ప్రపంచకప్ టోర్ని జరిగినప్పుడల్లా icc కొత్త రూల్స్ తీసుకురావడం చేస్తూ ఉంటుంది. ఇక ఈసారి కూడా ప్రపంచకప్ లో ఇలాంటి కొత్త రూల్ తీసుకువచ్చింది అన్నది తెలుస్తుంది. దీంతో ఈ కొత్త రూల్ బౌలర్లను మరింత టెన్షన్ పెట్టే అవకాశం ఉంది అని అందరూ అనుకుంటున్నారు. ఆ నియమమే స్టాప్ క్లాక్ రూల్.. టి20 వరల్డ్ కప్ లో నిర్ణీత సమయంలో తమ ఓవర్లను పూర్తి చేయని జట్లకు ఈ నియమం కచ్చితత్వంతో కూడుకున్నది అని చెప్పాలి. ఇక ఈ వరల్డ్ కప్ నుంచి వైట్ బాల్ ఫార్మాట్లో స్టాప్ క్లాక్ రూల్ ని ఉపయోగించాలని ఐసీసీ నిర్ణయించిందట.
అయితే ఐసీసీ తీసుకొచ్చిన ఈ కొత్త నిబంధన ప్రకారం.. రెండు ఓవర్ల మధ్య ఒక జట్టు తర్వాత ఓవర్ ప్రారంభించడానికి 60 సెకండ్లు ఇవ్వనున్నారు. ఆ టైం లోపే బౌలింగ్ జట్టు తదుపరి ఓవర్ ను ప్రారంభించాలి. ఒక ఓవర్ ముగిసిన వెంటనే థర్డ్ అంపైర్ ఈ నిబంధనలను అమలు చేస్తాడు. ఇక మైదానంలో ఉన్న పెద్ద స్క్రీన్ పై 60 సెకండ్ల గడువు కూడా కనిపిస్తుంది. ఈ గడువులోపు ఓవర్ ప్రారంభం కాకపోతే ఆన్ ఫీల్డ్ ఎంపైర్ బౌలింగ్ జట్టుకి రెండు హెచ్చరికలు జారీ చేస్తాడు. ఇక మూడవ హెచ్చరికపై ఐదు పరుగుల పెనాల్టీ విధించబడుతుంది. ఇక ఈ పరుగులు అటు బ్యాటింగ్ జట్టు ఖాతాలో చేరిపోతాయి అని చెప్పాలి అయితే ఈ రూల్ ఏకంగా 20 నిమిషాల సమయాన్ని ఆదా చేస్తుందని icc గుర్తించిందట. అయితే క్రీజులోకి కొత్త బ్యాట్స్మెన్ వచ్చినప్పుడు.. లేదంటే అధికారిక పానీయాల విరామం సమయంలో.. బ్యాట్స్మెన్ లేదా ఫీల్డర్ కు గాయమైనప్పుడు.. ఫీల్డింగ్ జట్టు సమయం కోల్పోకుండా ఉంటే ఈ నియమం పరిగణలోకి తీసుకోబడదట.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి