అయితే పటిష్టమైన టీమిండియా ఏ జట్టుతో మ్యాచ్ జరిగిన అంత ప్రతిష్టాత్మకంగా తీసుకుంటుందో లేదో కానీ భారత్కు చిరకాల ప్రత్యర్థిగా పిలుచుకునే పాకిస్తాన్ తో మ్యాచ్ అంటే మాత్రం ఎంతో స్పెషల్ అని ఫీల్ అవుతుంది. ఎందుకంటే ఈ మ్యాచ్ కేవలం ఒక క్రికెట్ మ్యాచ్ మాత్రమే కాదు కోట్లాదిమంది క్రికెట్ ప్రేక్షకుల భావోద్వేగాలతో కలుపుకొని ఉంటుంది అని చెప్పాలి. అందుకే ఇండియా, పాకిస్తాన్ మ్యాచ్ ఎప్పుడు జరిగిన కేవలం ఇరుదేశాల క్రికెట్ ప్రేక్షకులు మాత్రమే కాదు ప్రపంచ క్రికెట్ ప్రేక్షకులు కూడా ఈ పోరును చూసేందుకు ఎంతో ఆసక్తిని కనపరుస్తూ ఉంటారు. కాగా నేడు టి20 వరల్డ్ కప్ లో భాగంగా న్యూయార్క్ వేదికగా ఇండియా, పాకిస్తాన్ మ్యాచ్ జరగబోతుంది అన్న విషయం తెలిసిందే.
అయితే నేడు పాకిస్తాన్తో జరగబోయే కీలకమైన పోరులో భారత తుది జట్టులో ఒక మార్పు జరిగే అవకాశం ఉన్నట్లు తెలుస్తోంది. ఐర్లాండ్ తో జరిగిన మ్యాచ్లో కేవలం ఒక ఓవర్ మాత్రమే వేసిన అక్షర్ పటేల్ స్థానంలో చైనా మన్ బౌలర్ కుల్దీప్ యాదవ్ ను తీసుకునే అవకాశం ఉంది అని సమాచారం. అయితే గత మ్యాచ్లో అమెరికా లెఫ్ట్ ఆర్మ్ స్పిన్నర్ కెన్ జీగే బౌలింగ్లో పాకిస్తాన్ బ్యాట్స్మెన్లు తడబడ్డారు. దీంతో భారత జట్టు కూడా లెఫ్ట్ ఆర్మ్ స్పిన్నర్ అయిన కుల్దీప్ యాదవ్ తో ఇక పాకిస్తాన్ తో మ్యాచ్లో బరిలోకి దిగాలని అనుకుంటుందట.