![](https://www.indiaherald.com/cdn-cgi/image/width=750/imagestore/images/sports/libra_libra/surya2d8bf622-a0d9-4f16-8d0c-13972162981b-415x250.jpg)
ఇక కొత్త సారధిగా ఎవరిని నియమిస్తారు అనే విషయంపై చర్చ జరగగా.. హార్దిక్ పాండ్యా పేరు బలంగా వినిపించింది. కానీ భారత సెలక్టర్లు మాత్రం అనూహ్యమైన నిర్ణయం తీసుకున్నారు. భారత జట్టులో స్టార్ ప్లేయర్గా కొనసాగుతున్న సూర్య కుమార్ యాదవ్ చేతికి టి20 కెప్టెన్సీ బాధ్యతలను అప్పగించారు అని చెప్పాలి. ఈ క్రమంలోనే అతని కెప్టెన్సీ లోనే మరికొన్ని రోజుల్లో టీమిండియా కొత్త శకాన్ని t20 ఫార్మాట్లో మొదలు పెట్టబోతుంది అని చెప్పాలి. కాగా ఇలా సూర్యకుమార్ యాదవ్ కొత్త కెప్టెన్ గా ఎంపిక కావడంపై భారత జట్టులోని ఆటగాళ్లు స్పందిస్తూ సోషల్ మీడియాలో పోస్టులు పెడుతున్నారు.
ఈ క్రమంలోనే భారత్ కొత్త టీ20 కెప్టెన్గా సూర్య కుమార్ యాదవ్ ఎంపిక అవడం గురించి ఆల్ రౌండర్ అక్షర పటేల్ స్పందిస్తూ ఆసక్తికర వ్యాఖ్యలు చేశాడు. ఏకంగా సూర్య కుమార్ యాదవ్ పై ప్రశంసలు కురిపించాడు. సూర్య కెప్టెన్సీ లో నేను గతంలో ఆడాను. అతను బౌలర్ల కెప్టెన్. బౌలర్లు కోరినట్లు ఫీల్డ్ ని సెట్ చేస్తాడు. పరిస్థితులను ప్రశాంతంగా ఉంచుతాడు మిమిక్రీ తో పాటు ఫన్ ఇష్టపడే సూర్య కుమార్ ఎప్పుడు సంతోషంగానే ఉంటాడు అంటూ ఇటీవలే అక్షర పటేల్ చెప్పుకొచ్చాడు. అయితే సూర్య కుమార్ యాదవ్ కెప్టెన్సీ లోనే భారత జట్టు జూలై 27వ తేదీ నుంచి టి20 సిరీస్ ఆడబోతుంది చెప్పాలి.