![](https://www.indiaherald.com/cdn-cgi/image/width=750/imagestore/images/sports/libra_libra/cricket-8dec4874-24f2-471c-9ba6-86184d0f687a-415x250.jpg)
తటస్థ వేదికపై మ్యాచులు నిర్వహిస్తేనే భారత జట్టు ఆసియా కప్ టోర్నీలో పాల్గొంటుంది అంటూ స్పష్టం చేయడంతో ఇక ఆసియా క్రికెట్ కౌన్సిల్ సుదీర్ఘ చర్చల తర్వాత భారత డిమాండ్కు ఒప్పుకుంది. ఈ క్రమంలోనే టీమిండియా ఆడే మ్యాచ్లను తటస్థ వేదికపై నిర్వహించారు. అయితే వచ్చే ఏడాది పాకిస్తాన్ వేదికగా ఛాంపియన్స్ ట్రోఫీ జరగాల్సి ఉంది. ఈ క్రమంలోనే టీమిండియా అటు పాకిస్తాన్ పర్యటనకు రావాలి అంటూ అటు పాకిస్తాన్ క్రికెట్ బోర్డు కోరుతుంది. కానీ ఇందుకు బీసీసీఐ అంగీకరించడం లేదు. వన్డే వరల్డ్ కప్ ఆడేందుకు తాము భారత్ వచ్చినప్పుడు భారత జట్టు ఎందుకు పాకిస్తాన్ రాదు అంటూ ఆ దేశ ఆటగాళ్లు కూడా ప్రశ్నిస్తున్నారు.
ఇదే విషయంపై ప్రస్తుతం చర్చ జరుగుతూ ఉండగా.. ఇక ఇటీవల ఈ విషయంపై భారత మాజీ ఆటగాడు హర్భజన్ సింగ్ స్పందించాడు. పాకిస్తాన్ లో వచ్చే ఏడాది జరిగే ఛాంపియన్స్ ట్రోఫీకి టీమిండియా వెళ్లకపోవడం సరైన నిర్ణయం అంటూ హర్భజన్ సింగ్ అభిప్రాయపడ్డాడు. అక్కడ పరిస్థితి లేదు కూడా బాగాలేవు అంటూ చెప్పుకొచ్చాడు. భారత జట్టు పాకిస్తాన్ కు ఎందుకు వెళ్లాలి. ఆ దేశంలో భద్రతపై అక్కడ ప్రతిరోజు ఏదో ఒక ఘటన జరుగుతూనే ఉంటుంది. బిసిసిఐ తీసుకున్న నిర్ణయం సరైనది. ఆటగాళ్ల భద్రత కంటే ఏది ముఖ్యం కాదు అంటూ హర్భజన్ కామెంట్ చేశాడు.