ఇప్పుడు వరకు భారత క్రికెట్ హిస్టరీలో ఎంతోమంది ఆటగాళ్లు టీమిండియా కు కెప్టెన్ లుగా వ్యవహరించారు అని చెప్పాలి. కొంతమంది కేవలం కొన్ని మ్యాచ్లకు మాత్రమే సారదులుగా వ్యవహరిస్తే.. మరి కొంతమంది మాత్రం కొన్నేళ్లపాటు ఇలా కెప్టెన్ లుగా వ్యవహరించి తమ ఆట తీరుతో తమ కెప్టెన్సీ తో కూడా ప్రత్యేకమైన గుర్తింపును సంపాదించుకున్నారు. అయితే ఇలా ఎంతమంది కెప్టెన్సీ వహించిన అటు భారత జట్టుకు వరల్డ్ కప్ అందించిన కెప్టెన్లకు మాత్రం ఎప్పుడు ప్రత్యేకమైన క్రేజ్ ఉంటుంది. కాగా ఇప్పటివరకు కపిల్ దేవ్, మహేంద్ర సింగ్ ధోని, రోహిత్ శర్మలు మాత్రమే టీమిండియాకు వరల్డ్ కప్ ట్రోఫీఅందించిన కెప్టెన్లుగా కొనసాగుతున్నారు.


 అయితే కపిల్ దేవ్ అటు నిన్నటితరం క్రికెట్ ప్రేక్షకులకు బాగా సుపరిచితుడు.  ఇక నేటి తరానికి మాత్రం ధోని, రోహిత్ శర్మలు ఇక బాగా తెలిసిన ఆటగాళ్ళు. అయితే ఈ ఇద్దరు కూడా ఎవరికి వారు విభిన్నమైన  కెప్టెన్సీ తో ప్రత్యేకమైన గుర్తింపును సంపాదించుకున్నారు. అయితే వీరిద్దరిలో బెస్ట్ కెప్టెన్ ఎవరు అనే చర్చ ఎప్పుడూ భారత క్రికెట్లో జరుగుతూనే ఉంటుంది. కొంతమంది రోహిత్ శర్మ బెస్ట్ కెప్టెన్ అంటే ఇంకొంతమంది మాత్రం మిస్టర్ కూల్ మహేంద్ర సింగ్ ధోని ఎవర్గ్రీన్ బెస్ట్ కెప్టెన్ అంటూ కామెంట్లు చేస్తూ ఉంటారు. అయితే ఈ విషయంపై అటు మాజీ ఆటగాళ్లు కూడా సమాధానం చెప్పలేకపోతూ ఉంటారు అనే విషయం తెలిసిందే. కాగా ఈ విషయంపై టీమిండియా మాజీ కోచ్ రవి శాస్త్రి స్పందించాడు.


 రోహిత్ శర్మ ఆల్ టైం దిగ్గజాలలో ఒకరు అంటూ మాజీ కోచ్ రవి శాస్త్రి ప్రశంసలు కురిపించాడు. కెప్టెన్గా వ్యూహాలు అమలు చేయడంలో అత్యుత్తమ వ్యక్తి అని.. ధోనితో పాటు బెస్ట్ కెప్టెన్లలో రోహిత్ కూడా ఒకరుగా నిలిచిపోతారు అంటూ పేర్కొన్నారు రవి శాస్త్రి. అయితే వీరిద్దరిలో ఎవరు బెస్ట్ కెప్టెన్ అని అడిగితే మాత్రం తనవరకు ఇద్దరు సమానమే అని చెబుతాను అంటూ చెప్పుకొచ్చాడు. ఇటీవలే ముగిసిన టి20 వరల్డ్ కప్ 2024లో రోహిత్ ఆటగాడిగా కెప్టెన్గా అద్భుతంగా రాణించాడని.. ప్రపంచంలోని ఏ మైదానంలో అయినా మెరుపు ఇన్నింగ్స్ లో ఆడగల సత్తా రోహిత్ కు ఉంది అంటూ ప్రశంసించాడు.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

praveen

02/08/2024 01:05 PM