ఈ క్రమంలోనే భారత కెప్టెన్ గా కొనసాగుతున్న రోహిత్ శర్మకు బంగ్లాదేశ్ పై చెప్పుకోదగ్గ రికార్డులు లేవు. ఇక రోహిత్ గణాంకాలు చూసి ఫ్యాన్స్ సైతం ఆందోళన చెందుతూ ఉన్నారు అని చెప్పాలి. ఎందుకంటే బంగ్లాదేశ్ తో జరిగిన టెస్టుల్లో రోహిత్ రికార్డు చాలా నిరాశ పరుస్తుంది. సెప్టెంబర్ 19వ తేదీ నుంచి భారత్, బంగ్లాదేశ్ మధ్య టెస్ట్ సిరీస్ ప్రారంభం కాబోతోంది. ఇకపోతే రోహిత్ పర్ఫార్మెన్స్ విషయానికి వస్తే 2024లో టెస్టుల్లో మొత్తం 11 ఇన్నింగ్స్ లు ఆడి 450 పరుగులు చేశాడు రోహిత్.
ఇలా రోహిత్ కెరియర్ మొత్తం టెస్టులలో గణాంకాలు బాగానే ఉన్నప్పటికీ ఒక్క బంగ్లాదేశ్ తో మాత్రం రోహిత్ అత్యుత్తమ గణాంకాలు మాత్రం నమోదు చేయలేకపోయాడు అని చెప్పాలి. ఇప్పటివరకు బంగ్లాదేశ్ తో జరిగిన మొత్తం మూడు టెస్ట్ మ్యాచ్లలో రోహిత్ శర్మ 11 సగటుతో కేవలం 33 పరుగులు మాత్రమే చేశాడు. దీంతో ఇక మరికొన్ని రోజుల్లో ప్రారంభం కాబోయే సిరీస్ లో రోహిత్ సత్తా చాటుతాడా లేదా అన్నది ఆసక్తికరంగా మారిపోయింది. కాగా రోహిత్ ఇప్పటివరకు భారత్ లో 29 టెస్ట్ మ్యాచ్లు ఆడాడు. ఇందులో 45 ఇన్నింగ్స్ ల సహాయంతో 2402 పరుగులు చేశాడు. ఇందులో పది సెంచరీలు ఏడు హాఫ్ సెంచరీలు ఉన్నాయి. రోహిత్ సగటు 61.59గా ఉంది అని చెప్పాలి. అంతా బాగానే ఉన్నా ఇలా బంగ్లాదేశ్ తో జరిగే టెస్టుల్లో మాత్రం రోహిత్ కి పెద్దగా చెప్పుకోదగ్గ ఇన్నింగ్స్ లు లేకపోవడంతో ఈసారి ఏం చేస్తాడు అన్నది ఆసక్తికరంగా మారింది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి