కానీ దేశవాళి క్రికెట్లో ఆటగాళ్లకు అంతంత మాత్రమే వేతనాలు ఉంటాయని.. పెద్దగా ప్రైజ్ మనీలు కూడా ఉండవు అని క్రికెట్ విశ్లేషకులు చెబుతూ ఉంటారు. అందుకే దేశవాళి క్రికెటర్లు ఎప్పుడూ ఆర్థిక ఇబ్బందులతో సతమతమవుతూ ఉంటారు అన్న విషయం తెలిసిందే. అయితే ఈ మధ్యకాలంలో ఆటగాళ్ల వేతనం విషయంలో ఎన్నో సంచలన నిర్ణయాలు తీసుకుంటూ ఆటగాళ్లు అందరికీ కూడా వరాల ఇచ్చేస్తుంది బీసీసీఐ. ఇక ఇప్పుడు దేశవాళి క్రికెటర్ల విషయంలో కూడా మరో సంచలన నిర్ణయం తీసుకుంది. ఇది నిజంగా దేశవాలి క్రికెట్ ఆడుతున్న ప్లేయర్లందరికీ కూడా ఒక వరం లాంటిది అనడంలో ఎలాంటి సందేహం లేదు.
దేశంలో జరిగే అన్ని జూనియర్ క్రికెట్ టోర్నమెంట్లు మహిళల టోర్నమెంట్లలో ప్లేయర్ ఆఫ్ ది సిరీస్, ప్లేయర్ ఆఫ్ ది మ్యాచ్ అవార్డులకి కూడా ప్రైజ్ మనీ ఇవ్వబోతున్నట్లు బిసిసిఐ సెక్రటరీగా కొనసాగుతున్న జై షా ప్రకటించారు. అలాగే సీనియర్ మెన్స్ కి విజయ్ హజారే, సయ్యద్ ముస్తాక్ అలీ ట్రోఫీ లోను ప్లేయర్ ఆఫ్ ది మ్యాచ్ అవార్డులకి నగదు బహుమతులను ఇస్తాము అంటూ ప్రకటించారు. దేశవాలి క్రికెట్ లో రాణిస్తున్న ఎంతోమంది ప్లేయర్ల ప్రతిభను గుర్తించేందుకే ఇలాంటి నిర్ణయాన్ని తీసుకున్నాము అంటూ చెప్పుకొచ్చారు. అయితే ప్రైజ్ మనీ గా ఎంత ఇవ్వబోతున్నారు అన్న విషయం మాత్రం తెలియాల్సి ఉంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి